Исатай-Махамбет алаңына жиналған жұртшылық қаламыздың расымен де бақытты балалардың мекені екендігіне көз жеткізді. Орталық алаңда балғын бүлдіршіндерімізге арналған ойын-сауық бағдарламалары мен секірмелі батуттар орнатылды.
Сонымен қатар балалардың спорттық сайыстарға деген бейімділіктері сыналды.Асық ату, арқан тартыс, қол күресі, кір тасын көтеру, шахмат, дойбы ойындарынан кіл мықтылар анықталып, жеңімпаздарға алғыс хат пен медальдар табысталды.
Жүздері жадыраған бүлдіршіндерге қарап, аталмыш шара өз мақсатына жетті деп білеміз. " Атырау бақытты балалар мекені" ойын- сауық бағдарламасы қала күні мерекесі қарсаңында ұйымдастырылды.
