Жамбыл атындағы №5 мектеп-гимназиясында Халық қаһарманы Ғазиз Байтасовты еске алу жиыны өткізілді. Ғазиз Әбдібекұлын еске алу құрметіне арналған іс-шаралар мектеп ауласындағы «Ерлікке тағзым» ескерткішіне гүл қоюдан басталды. «Ерлік білекте емес, жүректе» тақырыбында ерлік сабағы өткізді. Халық қаһарманы Ғ.Байтасовтың өмір жолы, атқарған қызметі, ерлігі туралы естеліктер айтылды. Жиналған қауым батырды бір минуттық үнсіздікпен еске алды. Елі үшін бойындағы бар күш-жігерін, қажыр-қайратын жұмсап, бүкіл болмысын ұлтына арнаған ержүрек азаматтың ерлігі ұрпақ жадында мәңгі сақталып, ешқашан ұмытылмайды.
Еске алу жиынына Жамбыл облысы ПД бастығының орынбасары полиция полковнигі Жайдарбек Құттыбаев, Жамбыл облысы ПД баспасөз хатшысы полиция лейтенанты Гүлсара Мұхтарқұлова, Халық Қаһарманы Ғазиз Әбдібекұлы Байтасовтың бірге қызмет атқарған әріптесі Тұрар Тоқсанбаев, Жамбыл облысы ПД ардагері Тілеубек Рахимов, Қазақстан ардагерлері «Айрықша тәуекелді ардагерлер» қоғамдық бірлестігінің саяси бөлім бастығы Сейітхан Қуантаев, Қазақстан ардагерлері «Айрықша тәуекелді ардагерлер» қоғамдық бірлестігінің ардагері Заманбек Қылышбай, Республикалық халықтық, елдік қоғамдық бірлестіктің мүшесі Әзімбек Тілешев, ұстаздар қауымы, мектеп оқушылары қатысты.
