Ералы Тоғжанов Есет батыр тұрғын үй алаңындағы 900 орындық жаңа мектепті қарап шықты

Ералы Тоғжанов Есет батыр тұрғын үй алаңындағы 900 орындық жаңа мектепті қарап шықты

Бүгін Ақтөбе облысының әкімі Ералы Тоғжанов Есет батыр тұрғын үй алаңындағы 900 орындық жаңа мектепті қарап шығып, жалпы білім беретін мектепті пайдалануға беру бойынша жүргізілген жұмыстардың сапасын тексерді. Бүгіннен бастап мұнда сабақ басталып, 650 оқушы партаға отырды.

Еске салайық, бұдан бұрын облыс әкімі Ақтөбедегі құрылысы проблемалық нысандарды аралау кезінде аталмыш мектепке барған болатын.  Сол кезде Е.Тоғжанов мердігердің салғырттығын сынаған: ғимарат 2019 жылы тапсырылу керек болатын, алайда жұмыс өндірісінің мерзімі бұзылған. Мердігер жұмысты қанағаттанарлықсыз ұйымдастырып, жөндеу жұмыстарымен 150 адам емес, 25 жұмысшы айналысқан. Өңір басшысы компания басшысына жұмысты жеделдетіп, мектепті қысқа мерзім ішінде пайдалануға беруді тапсырды.

Жаңа мектеп Есет батыр тұрғын үй алабында жұмыс жасап тұрған мектептердің бірінің үш ауысымды білім беру мәселесін шешуге мүмкіндік берді. Бүгін білім ордасы 3 және 4 шағын ауданда, сонымен қатар, көрші Қызылжар тұрғын үй алабында тұратын оқушыларды қабылдады. Бұған қоса, спорт және акт залындағы болар-болмас ішкі әрлеу жұмыстары қалды.

Е. Тоғжанов: «Бұл жұмыстар оқу процесіне кедергі емес, сондықтан, оны 3-7 күн аралығында аяқтау керек. Бастысы – сапасы»,- деп атап өтті.

Аумағы 12 мың м2 болатын ғимаратты салуға және жабдықтауға мемлекет 1,5 млрд. теңге жіберді.  58 дәстүрлі оқу кабинеттерінен бөлек, заманауи талаптарға сай дайындалған робот техникасы, кеңейтілген физика, химия және биология зертханалары бар. Мектеп сондай-ақ, оқушылармен қатар, мұғалімдерге де оқу процесін тиімді басқаруға қажет жаңа компьютерлік жүйелермен, мультимедиялық кабинеттермен, интерактивті электронды тақталармен, инновациялық бағдарламалар құралдарымен жарақтанған. Кітапхана қоры, оқу-әдістемелік құралдармен, классикалық және көркем әдебиетпен, отандық басылымдармен, медиатекамен толықты. Балалардың қауіпсіздігін қамтамасыз ету мақсатында бейнекамералар мен турникеттер орнатылды. Сондай-ақ, ерекше білім алуды қажет ететін балалар үшін де жағдай жасалған – логопедтік орындар, арнайы крандар мен дәретханалар қарастырылған.

Ата-аналар Е.Тоғжановқа ұзаққа созылған мәселені қысқа мерзімде шешіп бергені үшін алғыстарын білдірді.

«Сізге алғысымыз шексіз. Сіздің тапсырмаңыздан кейін құрылыс компаниясы тәулік бойы жұмыс жасап жатыр. Балаларымыз заманауи мектепте білім алатын болды»,- деді олар кездесу кезінде.

Облыс әкімі 4 шағын аудан тұрғындарынан балалары оқуға екі аптадан кейін барғандары үшін кешірім сұрады.

Өңір басшысы: «Түрлі себептерге байланысты аталмыш нысанның құрылысы бірнеше жылға созылып, 3, 4 шағын аудан тұрғындарына проблема туғызған. Біз мердігерге соны орындасын деп талап қойдық. Спорт және акт залдарында істейтін жұмыстар бар. Соны осы аптада тапсырамыз деп уәде беріп отыр»,-  деп уәде берді.

Еске салайық, өңір басшысы Е.Тоғжанов  салалық басқармаларға апатты жағдайдағы және үш ауысымдағы мектептердің мәселесін  екі жыл ішінде жоюды тапсырды.

Ақтөбе облысы әкімінің баспасөз қызметі
19.09.2022

Ұқсас жаңалықтар

САРЫСУДА АСАРЛАТҚАН ҮЙ БЕРІЛДІ
Сарысу аудан әкімдігі баспасөз қызметі - 02.10.2022 18
Перзенттік парыз
Талас аудан әкімдігі - 02.10.2022 14
 ЖЕҢІМПАЗДАРДЫ ҚҰТТЫҚТАЙМЫЗ
Жамбыл ауданы - 02.10.2022 15
"Атырау - бақытты балалар мекені"
Атырау Қалалық Мәдениет Бөлімі - 02.10.2022 18
Қазақстан Республикасының  Президенті Қасым-Жомарт Тоқаев мырзаға  Қазақ баспасөзі мерзімді басылымдары басшыларының Ашық хаты: «Қазақ баспасөзі:  бүгіні және ертеңі»
«Qazaqstan dauiri» мен «Мөлдір бұлақ журналының «Қазақ баспасөзі: Бүгін және ертең» атты конференциясы Алматы қаласы, 23 қыркүйек 2022 жыл - 30.09.2022 193
Өткеннің ертегісін емес, дәуірдің ертеңін ойлайық!
Дәулетбек БАЙТҰРСЫНҰЛЫ, ақын, ҚЖО-ның мүшесі. ҚР Ақпарат саласының үздігі, Түркі дүниесі ақындары жыр мүшәйраларының жеңімпазы - 30.09.2022 183
Үндемей қалуға ықтиярым жоқ
Тұрсынтай ҚАЛДАРБЕКОВ, зейнеткер, Жамбыл облысы Мойынқұм ауданы - 30.09.2022 156
Саяси және гуманитарлық мәселе
Мұхтар Түменбаевтың ФБ парақшасынан - 29.09.2022 241
ШЕР-АҒАҢНЫҢ ДАУСЫ...
Оралхан ДӘУІТТІҢ ФБ парақшасынан - 28.09.2022 271
ҚАЙРАН, ШЕРАҒАМ- АЙ!
Қайрат ҚҰЛМҰХАММЕД. Ақын, ҚР мәдениет қайраткері. - 28.09.2022 472

Топ жаңалықтар

1
Ералы Тоғжанов Ақтөбе облысының ұстаздарын кәсіби мерекелерімен құттықтады
Show more
Ақтөбе облысының баспасөз қызметі - 2022-10-01 205
2
Ән өнеріндегі егемендігіміздің жаршысы
Show more
Төлеубек ҚАРАМЕНДІТЕГІ, сәулетші-ғалым, профессор, КСРО Сәулетшілер, ҚР Журналистер одақтарының мүшесі, Қоғам қайраткері, әуесқой әнші - 2022-09-30 163
3
Қазақ баспасөзі – қазақтың үні, қазақтың намысы
Show more
Тілекгүл ЕСДӘУЛЕТ - 2022-09-30 184
4
Министр айтқан қос мәселе де өзекті
Show more
Ерқазы СЕЙТҚАЛИ - 2022-09-30 200
5
Қазақ күресінен тұңғыш рет әйелдер сайысы өтеді
Show more
Ермек Сахариев - 2022-09-30 182