Жемқорлар ұлттық қорға да ауыз салыпты

Жемқорлар ұлттық қорға да ауыз салыпты

Ұлттық қордағы қаржы қиын-қыстау сәт туғанда және келешек ұрпақ қамы үшін деп жинақталған еді бір заманда. Оған да қол сұғылып,  бей-берекет жұмсалғаны анықталды. Сыбайлас жемқорлықтың жүрмейтін жері жоқ екеніне осы дәлел. Осыдан кейін ел экономикасы қайдан көтерілсін?! 

7 маусым күні мемлекет басшысы Есеп комитетінің төрайымы Наталья Годунованы қабылдады. Наталья ханым Президентке Ұлттық қордан бөлінген мақсатты трансферттердің пайдаланылуы бойынша жүргізілген аудиттің алдын ала қорытындысы жөнінде есеп берді. Аталған аудит аясында жалпы құны 290 миллиард теңге болатын 20 нысан қамтылған екен. Соған талдау жасалды. Сондай-ақ, Ұлттық қордан әртүрлі бағытқа бөлінген 2,2 триллион теңге қаржының жұмсалуы жайлы да айтылды. Президент төрайымға Есеп комитетін Жоғары аудиторлық палата ретінде қайта құруға тапсырма берді.

Президент қабылдауынан шыққаннан кейін Республикалық бюджеттің атқарылуын бақылау жөніндегі есеп комитетінің төрайымы Наталья Годунова  Ұлттық қордың тұжырымдамасында жоқ бағыттарға 230 млрд теңгеден астам қаржы бөлінгенін жасырмады.

«Мен бүгін мемлекет басшысына Ұлттық қордан бөлінген мақсатты трансферттерге жүргізілген аудиттің алдын ала қорытындысы туралы баяндадым. Бұл ауқымды жұмыстың қорытындысы бойынша шамамен 9 млрд теңгенің қаржылық заң бұзу фактісі анықталды. 290 млрд теңгеден астам қаражаттың 20 жоба бойынша 20 нысанға Ұлттық қордың тұжырымдамасында қарастырылмаған бағыттарға 230 млрд теңгеден астам қаражат бөлінген. Заң бұзу фактілері негізінен атқарылмаған жұмыстар мен орындалмаған қызметтерге ақы төлеумен байланысты», – дейді комитет басшысы.

Жемқорлықтың батпағына батқан әккі шенеуніктер «алынбайтын тас қамал» санайтын ұлттық қорға да ауыз салыпты. Тамыры тереңге кеткен сыбайлас жемқорлықты түп-тамырымен жою Президентке де оңайға түспейтін түрі бар.

 

Нағашыбай Қабылбек
09.06.2022

Ұқсас жаңалықтар

Аудан әкімі ардагер спортшыларды марапаттады
Талас аудан әкімдігі - 06.07.2022 33
АУЫЛАРАЛЫҚ ТУРНИР ӨТТІ
Жамбыл ауданы - 06.07.2022 27
164 түлек ауылға жолдама алды
Сейсен ҚОЖЕКЕ. Меркі ауданы. - 06.07.2022 21
Ардагер аяқдопшылар алтыннан алқа тақты
Нарбол ҚАШАҒАН, журналист. Талас ауданы. - 06.07.2022 21
Әділ Қазақстан: Әлібидің азабы
Анықтама жасаған – Абзал Құспан, заңгер - 30.06.2022 183
Абылай хан туралы ащы щыңдық
Самат ӨТЕНИЯЗОВ, Мадрид және әл-Фараби атындағы ҚазҰУ профессоры, т.ғ.к. - 30.06.2022 190
Абылай хан туралы ащы шындық
Самат ӨТЕНИЯЗОВ, Мадрид және әл-Фараби атындағы ҚазҰУ профессоры, т. ғ. к. - 23.06.2022 1191

Топ жаңалықтар

1
Дәстүрлі спартакиада
Show more
Ләззат ҚАЖЫМОВА БҚО Орал қаласы - 2022-07-06 75
2
Басты мақсат – жас спортшылар қатарын көбейту
Show more
Ләззат ҚАЖЫМОВА БҚО Орал қаласы - 2022-07-06 71
3
«Алтынордалықтардың» алтыншы қойылымы
Show more
Ләззат ҚАЖЫМОВА, БҚО Орал қаласы - 2022-07-06 103
4
Оң баға берілді
Show more
Ләззат ҚАЖЫМОВА БҚО Орал қаласы - 2022-07-06 75
5
Еңбектенемін деген жасқа мүмкіндік мол
Show more
Ләззат ҚАЖЫМОВА БҚО Орал қаласы - 2022-07-06 74