2022 жылдың басында Семейде оңалту және ерте араласу орталығы ашылған болатын.
Мұнда аймақтағы ерекше қажеттіліктері бар балалар сапалы, әрі мамандандырылған медициналық оңалтудан өте алады. Оңалту және ерте араласу орталығының жетекшісі Жанар Кабденова: «Мекемеде медициналық оңалтудың инновациялық әдістері қарастырылған. Орталық түрлі диагноздары бар балаларға оңалту көмегін көрсетеді. Атап айтқанда, церебральды сал ауруы, гидроцефалия, буын, сөйлеу қабілетінің бұзылуы. Бірнеше оңалту курсынан кейін жақсы нәтижелер байқалады. Балалар көбірек қозғала бастайды, психологиялық денсаулық, әлеуметтік бейімделу жақсарады. Мәселен, осы жылдың 11 айында Абай облысында 1300-ден астам бала медициналық оңалту курсынан өткен. Бұл мақсаттарға Әлеуметтік медициналық сақтандыру қорынан 160 млн теңге бөлінген», – деп мәлімдеді.
