Әйел – біріншіден ана, әйел - отбасының шуағы, қоғамның қуанышы, тәрбиенің қайнар бұлағы.
Қоғамның даму барысын өмірде-нәзік, көңілде-биік, ал істе мығым әйелдер қауымынсыз елестету мүмкін емес.
Бүгін аудандық кітапхананың «Коворкинг» орталығында «Әйел-ана, әйел-жарың, шырағың» атты мерекелік кеш өтті.
Мерекелік шарада түрлі салада еңбек етіп жүрген арулар бас қосты.
Мерекелік шараға қатысқан аудан әкімі Сәкен Мамытов сәбиін көрік, еңбегін серік еткен қыз-келіншектер мен аруларға сый-құрмет көрсетті.
Өз сөзінде, әйел-аналардың отбасындағы, сондай-ақ қоғамдағы өзіндік орнына тоқталған аудан басшысы аруларды құттықтап, ізгі лебізін жеткізді.
Бұдан соң аудандық мәслихаттың төрағасы Шаттық Мұсабеков әйел-аналарды мерекемен құттықтады.
Ауданның әлеуметтік-экономикалық дамуына үлес қосып жүрген бірқатар азаматшалар аудан әкімінің, аудандық мәслихаттың Құрмет грамотасымен, Алыс хаттармен марапатталды.
Мереке қарсаңында көңілдері шаттық пен қуанышқа, құшақтары гүлге толған арулардың еңбектері еленді.
