Алматыда Space Camp — практикалық STEAM-бағдарламасы басталады. Бағдарлама аясында 13 пен 18 жас аралығындағы мектеп оқушылары су ракеталарын, парашют, қону аппараттарын, планетоходтар мен шағын спутниктерді өз қолымен құрастырып, сынап көреді. Қазақстан бойынша бағдарламаға алдын ала іріктеуден өткен 100-ден астам оқушы жеті Makerspace-те, сондай-ақ Шымкенттегі мобильді Makerspace-тің көшпелі жұмысы аясында қатысады.
Бастама «Мейкерспейс кеңейеді!» желісі аясында, Қазақстандағы АҚШ Дипломатиялық миссиясы мен «Шеврон» компаниясының қолдауымен жүзеге асырылады. Бағдарлама инженерлік ойлауды, командада жұмыс істеу дағдыларын және ғылым мен технологияға қызығушылықты дамытуға бағытталған.
Space Camp — Мейкерспейс желісінің жаңа бағдарламасы, ол қатысушыларды ғарыш миссиясының толық циклімен таныстырады: ұшырудан және түсуден бастап қонуға, планета бетінде жүріп өтуге және спутниктен дерек беруге дейін. Командада жұмыс істей отырып, оқушылар қарапайым тәжірибелерден бастап өз шағын миссиясын жобалау мен қорғауға дейінгі жолдан өтеді — шығармашылықты, есеп шығаруды және бірлескен жұмысты ұштастырады. Бағдарлама АҚШ-тың ғарышты зерттеу тарихы мен жетістіктерінен — ай бағдарламаларынан заманауи марсоходтарға дейін — шабыт алады.
Бес практикалық күн барысында қатысушылар ракета жасау, аэродинамика және инженерлік жобалау негіздерін меңгереді: тарту күші мен траекторияны есептейді, қону кезінде конструкцияны беріктікке сынайды, кедергілерден өтетін планетоход құрастырады және дерек жинау үшін «спутникті» датчиктермен жабдықтайды. Бағдарлама соңында әр команда дайын ғарыш миссиясын таныстырып, нені құрастырғанын, не істегенін және нені жақсартқанын баяндайды.
Space Camp — Қазақстандағы жастар арасында инженерлік ойлау, практикалық дағдылар мен ғылымға қызығушылықты дамытуға бағытталған шығармашылық зертханалар желісі — Мейкерспейс білім беру бастамаларының бір бөлігі.
Өткізу мерзімі: 19-23 қазан 2026 жыл (қалаға байланысты өзгеруі мүмкін)
Өтетін орны: American Corner & Makerspace Almaty. Назарбаев даңғылы 43, Жамбыл атындағы қалалық жасөспірімдер кітапханасы
Қатысушылар жасы: 14–19 жас
Қатысу тегін, орын саны шектеулі
Тіркелу: https://docs.google.com/forms/d/e/1FAIpQLSf2QJJMA5I0eFRPC0sMEmsRYcQ3KDCMyXxygL21tmb8FoOgxg/viewform
