Асқар Ақаевтың дәрісі кімге керек?

Асқар Ақаевтың дәрісі кімге керек?

Әл-Фараби атындағы Қазақ Ұлттық университетінде Асқар Ақаевтың көшбасшылық жөнінде дәрісі өтті.

Дәрісте Қырғызстаннан келген делегация мен қазақстандық ғалымдар бой көрсетті. Ақаевпен бірге Олжас Сүлейменов келді. Бір қызығы, қырғыздың әнұранын емес, қазақтың «Сағынғанда бір келерсің» әнін қырғызша шырқап қарсы алды. Дәрістің ашылу салтанатында оқу орнының басшысы Жансейіт Түймебаев: «Аса құрметті Асқар, кош келиңиздер!» – деп, сөзін қырғызша бастады. Біздің мемлекетімізге келіп, дәріс оқыған үшінші президент екенін айтып сөзін жалғастырды

 Экс-президент өз сөзін: «Қазақстан тамаша! Нано технологияның нағыз отаны болатын мемлекет», – деп дәріптеумен бастады. Ақаев дәрісінде нано технологияның дамуы жайлы, жер ғаламшарына төніп тұрған атмосфералық қауіп, ауаның ластануы, адамзаттың дәрменсіз болып қалатынын сөз етті. Ғұламалар Х.фон Ферстер, П. Мора, Л. Амиот жасаған тұжырымдарды мысалға келтірді. Жерде болатын өркениеттің тоқырауын 3 сатыға жеке бөліп, талдап көрсетті.

Дәріс шамамен бір сағатқа созылды. Олжас Сүлейменов дәріс соңында сөз алып: «Бұл – таптырмас жоба, жастар үшін жақсы ақпарат болды», – деді.

Дәрістен кейін ғалымдар арасында жақсы да нақты сұрақтар легі болды. Соның бірі: «Неге осы дәрісті іс жүзінде Қырғызстанда жүзеге асырмайсыз? Еліңізге оралсаңыз, мына жобаңыз сәтті болар ма еді?» деген сұраққа бұрынғы ел басшысы «ну, жаль...» дегеннен артық мардымды жауап айта алмады

Бұрынғы президент еліне қайта оралуға қарсы еместігін, өз еліне барып дәріс оқуға ниетті екенін де жеткізді. Саяси тұрғыда сұрақ қоюға мүмкіндік берілмеді. Өткір сұрақпен тап берген «Азаттық» тілшісінің сұрағына Ақаев жарытып жауап бере алмады. Осындай сұрақтар легі болғанын қалаған БАҚ өкілдеріне оқу орнының басшылығы мүмкіндік бермеді.

Дәріс соңында өз кезегімен докторанттарды салтанатты түрде құттықтау рәсімі де өтті. Екі ел достастығына тілеулес болып келген делегацияға да ерекше алғыс білдірілді. Асқар Ақаевтың үстіне шапан жауып, қаумалаған халық суретке түсуге асықты. 

Айсәуле КЕНГАШОВА
23.06.2022

Ұқсас жаңалықтар

Аудан әкімі ардагер спортшыларды марапаттады
Талас аудан әкімдігі - 06.07.2022 33
АУЫЛАРАЛЫҚ ТУРНИР ӨТТІ
Жамбыл ауданы - 06.07.2022 27
164 түлек ауылға жолдама алды
Сейсен ҚОЖЕКЕ. Меркі ауданы. - 06.07.2022 21
Ардагер аяқдопшылар алтыннан алқа тақты
Нарбол ҚАШАҒАН, журналист. Талас ауданы. - 06.07.2022 21
Әділ Қазақстан: Әлібидің азабы
Анықтама жасаған – Абзал Құспан, заңгер - 30.06.2022 182
Абылай хан туралы ащы щыңдық
Самат ӨТЕНИЯЗОВ, Мадрид және әл-Фараби атындағы ҚазҰУ профессоры, т.ғ.к. - 30.06.2022 189
Абылай хан туралы ащы шындық
Самат ӨТЕНИЯЗОВ, Мадрид және әл-Фараби атындағы ҚазҰУ профессоры, т. ғ. к. - 23.06.2022 1190

Топ жаңалықтар

1
«Алтынордалықтардың» алтыншы қойылымы
Show more
Ләззат ҚАЖЫМОВА, БҚО Орал қаласы - 2022-07-06 101
2
Оң баға берілді
Show more
Ләззат ҚАЖЫМОВА БҚО Орал қаласы - 2022-07-06 73
3
Еңбектенемін деген жасқа мүмкіндік мол
Show more
Ләззат ҚАЖЫМОВА БҚО Орал қаласы - 2022-07-06 72
4
Дәстүрлі спартакиада
Show more
Ләззат ҚАЖЫМОВА БҚО Орал қаласы - 2022-07-06 73
5
Басты мақсат – жас спортшылар қатарын көбейту
Show more
Ләззат ҚАЖЫМОВА БҚО Орал қаласы - 2022-07-06 69