Ауданда екі айлық көркейту және абаттандыру санитарлық тазалау жұмыстары жалғасуда. Өткен сенбі аудан әкімінің орынбасары Әлібек Нұрадиновтың жетекшілігімен әкімдік қызметкерлері Ж.Қуанышбаев көшесінің соңындағы бос аумақтағы тұрмыстық қатты қалдықтарды жинау жұмыстарын жүргізді.
Тазалық жұмыстарында қоқыстар жүк көліктеріне тиеліп, арнайы белгіленген полигонға шығарылды. Бұл шара ауылдың экологиялық жағдайын жақсарту және қоршаған ортаны қорғау мақсатында жүзеге асырылды.
Жергілікті тұрғындар мен еріктілер де тазалық жұмыстарына қолдау көрсетіп, қоршаған ортаны таза ұстауға үлес қосты. Алдағы уақытта мұндай сенбіліктер тұрақты түрде ұйымдастырылып, елді мекеннің санитарлық жағдайын жақсартуға бағытталатын болады.
Жергілікті билік тұрғындарды қоршаған ортаны таза ұстауға шақырып, қоқысты белгіленбеген жерлерге төкпеу керектігін ескертеді.
