Ағымдағы жылдың ақпан айының соңғы апталарында Әл-Фараби атындағы Қазақ ұлттық университетінде «Тұрақтылық және коммуникация» атты II Халықаралық қысқы PR мектебі өтті. Іс-шараны ЮНЕСКО-ның Бас конференциясы жариялаған Халықаралық ана тілі күні аясында, Журналистика және коммуникация бойынша ЮНЕСКО және Тұрақты даму бойынша ЮНЕСКО кафедралары ұйымдастырды.
Қысқы мектепке қазақстандық БАҚ өкілдері, PR мамандары, Қазақстан, Қырғызстан, Өзбекстан және Ауғанстаннан білім алушылар мен оқытушылар қатысты. Іс-шара аясында Әл-Фараби атындағы ҚазҰУ оқытушыларының дәрістері және практикалық сабақтары, сондай-ақ халықаралық ұйымдар өкілдерінің және белгілі PR-мамандардың шеберлік сыныптары өтті.
Соңғы онжылдықта әлемдік тәжірибеде тұрақты даму мақсаттарын іске асырудағы үкіметтің қызмет барысының жетістігі туралы ерікті шолулардың жыл сайынғы жариялануы бекітілген. Бұл жарияланымдар мемлекет қабылдаған шешімдердің сапасын талдауға және экология саласында неғұрлым тиімді саясатты әзірлеуге мүмкіндік береді. Ағымдағы жыл Қазақстанда бірқатар министрліктердегі кадрлық өзгерістерінен басталды. Президентіміз Экология және табиғи ресурстар министрі Зульфия Сүлейменовамен кездесуі барысында бірқатар бастапқы міндеттерді, олардың ішінде халықтың экологиялық мәдениетін қалыптастыру мәселесін атап өтті. Бұқаралық ақпарат құралдары халықтың қоршаған ортаға ұқыпты қарауын, антропогендік әсердің салдары туралы түсініктің, табиғи ресурстарды сақтау үшін жауапкершілікті қалыптастырудың жетекші кілттерінің бірі болып табылады.
Қысқы мектеп тақырыптарының мазмұнының бірегейлігі, тыңдаушылардың журналистика саласында қосымша білім алуымен қатар, негізгі экологиялық ұғымдармен, қазіргі экологиялық проблемалардың мәнімен және ерекшеліктерімен танысты.
Тыңдаушыларға аз уақыт ішінде экологиялық проблемаларды шешудегі негізгі экологиялық ұғымдармен және инновациялармен танысуға мүмкіндік берілді. Қатысушылар мемлекеттің азаматтық қауіпсіздікті реттеудегі, экологиялық нормалаудағы және өнеркәсіп салаларының ең үздік қолжетімді техникаларға көшуіндегі мәселелерді шешуде өз білімдерін толықтырды.
Осы іс-шара арқылы тыңдаушылар экологиялық сипаттағы ақпаратты объективті талдау және ұсыну, қоғамға экологиялық проблемаларды жариялау, ресурсты үнемдеу, табиғатты ұтымды пайдалану және «Жасыл экономика» қағидаттары туралы тұтас түсінікті қалыптастыруға ықпал етті. Сондай-ақ, білім алушылар БАҚ-та жариялау үшін сапалы және сенімді мәтіндік және аудиовизуалды экологиялық материалдарды жасаудың әдістемелік дағдыларын жетілдіре алды.
