«Жоғары спорт шеберлігі мектебі» (ЖСШМ) – Жамбыл облысының спорт саласындағы маңызды мекемелерінің бірі. 2011 жылдың 23 қарашасында құрылған орталық жоғары жетістіктерге ұмтылған спортшыларды даярлайды.
Жоғары спорт шеберлігі мектебінің басты мақсаты – спортшылардың кәсіби деңгейін көтеріп, Қазақстанның ұлттық құрама командасына енетін үздік атлеттерді дайындау. Бұл бағытта мекеме:
• Олимпиадалық, олимпиадалық емес және ұлттық спорт түрлері бойынша оқу-жаттығу процестерін ұйымдастырады;
• Спортшылардың тактикалық және физикалық дайындық деңгейін арттырады;
• Әлемдік және республикалық жарыстарға қатысуға жағдай жасайды;
• Материалдық-техникалық, медициналық және әдістемелік қолдау көрсетеді;
• Жаттықтырушылар мен мамандардың біліктілігін арттырады.
Бүгінде ЖСШМ-де 11 спорт түрі бойынша 25 білікті жаттықтырушы жұмыс істейді. Оның ішінде 5 жаттықтырушы – «Қазақстан Республикасының еңбек сіңірген жаттықтырушысы» атағына ие.
Жаттығатын спортшылар саны – 189 (161 негізгі, 28 ауыспалы).
Құрама командаларға енген спортшылар саны – 96 (ересектер – 50, жастар – 27, жасөспірімдер – 19).
Спорттық дәрежелері бойынша:
• 3 – ҚР еңбек сіңірген спорт шебері
• 18 – ҚР халықаралық дәрежедегі спорт шебері
• 50 – ҚР спорт шебері
• 118 – ҚР спорт шеберлігіне кандидат
Өткен жылы ЖСШМ спортшылары Олимпиада ойындары, әлем және Азия чемпионаттары, халықаралық және республикалық жарыстарда жоғары нәтижелер көрсетті. Жалпы, 280 медаль жеңіп алды:
• 75 алтын
• 92 күміс
• 115 қола
Жоғары спорт шеберлігі мектебі алдағы уақытта да ел спортының дамуына үлес қосып, жаңа чемпиондарды тәрбиелеуді жалғастырады.
