”Даңқ” залында Халықаралық музейлер күніне орай Ұлы Отан соғысы және Ауған соғысының тарихына арналған бірқатар іс-шаралар халық назарына ұсынылды. Мәдени-білім беру акциясы салтанатты түрде Қазақстан Республикасының Ұлттық ұланы, 5513 әскери бөлімі, «Оңтүстік» өңірлік қолбасшылығы оркестірінің сүйемелдеуімен ашылып, келушілерге зал экспозициялары бойынша экскурсиялар жүргізілді.Сонымен қатар, келушілер Жамбыл облыстық қазақ және орыс драма театры актерлерінің сомдауымен Б.Момышұлы және И.В.Панфиловтың, биылғы жылы 100 жылдық мерейтойы тойланатын М.Мәметова және Т.Бигелдиновтың тарихи тұлғалары ашылатын қойылымдарды тамашалады.
Мемлекет басшысы Қасым-Жомарт Тоқаев 2022 жылды "Балалар жылы" деп жариялауына орай, көпшілік назарына «Оқушылар сарайы» тәрбиеленушілерінің концерттік бағдарламасы ұсынылды. Концерттік бағдарламада өнерпаз балалар «Не пришедшие с войны» хорын, «Сарбаздар» әні, «Тучи в голубом» вальсін, «Аист на крыше» биін, «Прощание славянки» және «День Победы» марштарын орындап шықты.
