Республика Президенті Қасым-Жомарт Тоқаев «Жаңа жағдайдағы Қазақстан: іс-қимыл кезеңі» Жолдауында (01.09.2020 ж.) бұқаралық спортты дамытуды тапсырды: «Дене шынықтыру – денсаулық кепілі. Тағы да айтамын, бұқаралық спортпен, балалар спортымен шұғылдану үшін барлық жағдай жасау қажет. Облыс әкімдері спорт инфрақұрылымын кезең-кезеңімен салуды қамтамасыз етуі қажет… Дені сау ұлтты, дені сау ұрпақты тәрбиелеу керек, сондықтан балалар көшеде жай жүрмей, пайдалы нәрселермен айналысу керек. Болашақта облысымыздың, еліміздің атын әлемге әйгілі ететіндер де дәл осы жастар». Люшанло Исмаил алғаш рет әлем чемпионы атанды. Турнирге 30 елдің спортшылары қатысты. Кикбоксшы Лушанло Исмаил ең жоғары деңгейдегі марапатқа ие болды. Ол өзінің салмақ дәрежесінде 1-орынға ие болып, әлем чемпионы атанды. Люшанло Исмаилдың алғашқы жекпе-жегі (57 келі салмақ дәрежесі) Молдавиядан келген жауынгермен 3:0 есебімен өтті. Жартылай финалда ол грек боксшысымен жекпе-жек өткізіп, жеңіспен финалға шықты. Финалда ол Хорватиядан келген спортшыны жеңіп, чемпион атанды. Әлем чемпионатының күміс жүлдегері Фушанло Шамиль бірінші жартылай финалдық рингте қырғызстандық қарсыласын жеңді. Финалда Түркия спортшысымен жекпе-жек өткізіп, 2:1 есебімен жеңілді. Екінші күміс жүлдегері Маянху Ислам бірінші белдесуінде Грекия спортшысын жеңді. Жартылай финалда Мавританиялық спортшыны нокаутпен жеңіп, финалда Ислам қазақстандық спортшыға жекпе-жек өткізіп, 2:1 есебімен жеңіліп қалды. Люшанло Исмаил мен Фушанло Шамильдің жаттықтырушысы Люшанло Исмар болып табылады. Тәжірибелі жаттықтырушы «Қырғыз Республикасының спорт шеберіне кандидат», кикбоксинг бойынша халықаралық дәрежедегі жаттықтырушы-нұсқаушы атағын алған. Люшанло Исмар жоғары кәсіби білімі бар, Алматы дене шынықтыру және спорт институтын бітірген, үш ұл тәрбиелеп отыр.
Екі спортшы да 8 жасынан бастап жаттығады. Лушанло Исмаил М.Лермонтов атындағы №16 орта мектепте оқиды, ал Фушанло Шамиль Сортөбе ауылындағы) №18 орта мектептің түлегі. Бұл спортшылардың екінші жаттықтырушысы – Аухатты ауылының тұрғыны Насыров Талғат. Атақты жаттықтырушы 3 дүркін әлем чемпионы, 3 дүркін Азия чемпионы, кикбоксингтен Қазақстан Республикасының 7 дүркін чемпионы, ушу соншоудан Азия чемпионы. 3 Азия чемпионы, 2 әлем чемпионы шыққан. Насыров Талғат – кикбоксинг және ушу соншоу бойынша халықаралық дәрежедегі спорт шебері, Қордай спорт мектебінде жұмыс істейді, екі бала тәрбиелеп отыр. Білімі жоғары, Алматы әскери спорт колледжінің түлегі. «Жас спортшылар осы күнге ұзақ жолмен жетіп, біздің барлық үміттерімізді ақтады. Олар осы турнирдің жүлдегерлері атанды. Бізді қолдап, әлем чемпионатына демеушілік көрсеткендерге ерекше алғысымды білдіремін, бұл Жамбыл облысының «Вынхуа» дүнген мәдени орталықтарының этномәдени бірлестігінің жетекшісі Айша Люшировна Идыбо және менің тәрбиеленушім Мауров Шәкир. Қордай ауданындағы кикбоксингті дамытуға қосқан зор үлестері үшін оларға айтар алғысым шексіз», – дейді атақты жаттықтырушы Люшанло Исмар.
Жас спортшылар беделді турнирдің жеңімпазы атанды. Спортқа келген сәттен бастап саңлақтар тек әлемдік додада топ жарып, ел намысын абыроймен қорғауды ойлайды. Тынбай жаттығу жасап, әлем мен Олимпиада биігін бағындыруға барын салады. Олар үшін спорт Қазақстанға даңқ әкелетін, мансаптық өсім беретін, қоғам мүддесіне сай келетін мамандық болып табылады. Бұл табысқа жетудің маңызды себептері. Спортшыларды жеңіске деген ерік-жігер жетелейді. Бірақ жетістікке жетуде жаттығулар өтетін жағдайлар үлкен рөл атқарады. Спортшылар Сортөбе ауылының мәдениет үйінің спортзалында жаттығады, спорт залы ескі және шағын. Күрделі жөндеу жүргізу туралы өтінішпен облыс басшылығына қайырылдым. Өкінішке орай, бүгінде Сортөбе және Масанчи ауылдарында спортпен шұғылдануға қажетті жағдайлар, яғни стадион мен спорт алаңдары жоқ. Сортөбе мен Масанчи ауылдарында қазіргі және болашақ әлем чемпиондары үшін дене шынықтыру сауықтыру кешенін салатын уақыт келді. ДСК (ФОК) көптеген беделді халықаралық жарыстарда Қазақстанның намысын қорғайтын болашақ Олимпиада чемпиондарының нағыз ұстаханасына айналады. Ең бастысы – жастарымыздың спортпен шұғылдануға, салауатты өмір салтын ұстануға деген ұмтылысын қалыптастыру.
Жамбыл спортшылары уәкілетті спорт органдарының, басшылықтың, халықтың, сондай-ақ өз жанкүйерлерінің қолдауын табады деп сенемін.
Мүмкін, біздің болашағымызға қамқорлық дәл осылай көрінуі керек.
