Елордада I республикалық жас патриоттар форумы өтті

Нұр-Сұлтан қаласындағы ҚР Қарулы Күштерінің Ұлттық әскери-патриоттық орталығында VII Республикалық «Айбын-2021» әскери-патриоттық жастар жиынының салтанатты жабылу шарасы өтті. Тұңғыш Президент күні мен Тәуелсіздіктің 30 жылдығына арналған «Егемен ел ертеңі – жас сарбаз» атты I республикалық жас патриоттар форумының аясында «Айбын-2021» әскери-патриоттық жастар жиынының қорытындысы шығарылып, жеңімпаздарды марапаттау рәсімі өтті. Шараға «Жас сарбаз» республикалық балалар-жасөспірімдер әскери-патриоттық қозғалысының өкілдері әр аймақтан онлайн режимде қосылды.