Балалар жылы аясында. 1 маусым — Халықаралық балаларды қорғау күніне орай, Талас ауданы, Бостандық ауылдық округінде мұғалима Әлимаш Тұрғанбекқызын еске алуға арналған оқушылар арасында волейбол, кіші футбол, 4*100 метрлік эстафета және қазақ күресінен жарыс өтті.
Жарысқа Алғабас, Талапты, Ш.Смаханұлы, Амангелді және Б.Тоқтықожаұлы атындағы орта мектептері оқушыларының құрама командалары қатысты.
Жарыстың ашылу салтанатына Талас ауданының Құрметті азаматы Болат Құлекеев Болат, Бостандық ауылдық округінің әкімі Мұратхан Рысдәулетов, Талас ауданы әкімдігінің дене шынықтыру және спорт бөлімінің басшысы Шыңғыс Рысбек және де ауыл тұрғындары қатысты.
Аталған жарыста жақында ғана Түркияның Стамбул қаласында өткен кикбоксингтан әлем чемпионатында 56 келі салмақта чемпион атанған жерлесіміз, Талапты ауылының тұрғыны Сымбат Әлиасқарға Талас ауданы әкімдігінің дене шынықтыру және спорт бөлімінің басшысы Шыңғыс Рысбек аудан әкімі Мәдібек Қанатбек Қайшыбекұлының құттықтауын жеткізіп, аудан әкімінің «Алғыс хатын» табыстады.
