Бүгін Жуалы ауданында «Злиха» шаруа қожалығының базасында картоп дақылының өнімін дамыту бойынша арнайы семинар өтті.
Шара барысында «Злиха» қожалығының басшысы Нұржігіт Бегалы картоп өсірудің тәсілдерін түсіндіріп, тәжірибесімен бөлісті.
Басқа-басқа, Жуалы жерінде картоп жақсы өседі. Бұған, бәлкім, топырақтың құнарлы, ауа райының қолайлы болуы да әсер ететін болар, сірә. Әйтеуір, соңғы жылдары аудан жұрты дақылдың түрінен көп өнім алуды жақсы меңгеріп келеді.
Картоп өңдейтін кәсіпорын ашуды және өзі өсірген өнімнен картоп крахмалы, фри мен чипс шығаруды жоспарлап отырғанын жеткізді.
Семинар барысында қатысушылар қожалықтың картоп сақтау қоймасы мен егіс алқабын аралап, ондағы жұмыстардың барысымен таныстық.
Жалпы Жуалы ауданы бойынша 1585 гектарға картоп егілсе, оның 4,4 пайызы «Злиха» шаруашылығына тиесілі.
