Қысқа дайындық жандана түскен Шымкентте көмір қоймаларында қазіргі таңда абыр-сабыр адам көп. Қаладағы көмір базалары негізінен Еңбекші ауданы аумағында орналасқан. Нақты мекен жайы – Қойкелді батыр көшесіндегі «VIP-M» ЖШС және Клара Цеткин көшесіндегі «Қазғұрт» ЖК.
Қазіргі таңда қоймаларда қысқы жылу маусымына қажетті тұрмыстық қатты отын жеткілікті көлемде. Отынның 1 тоннасы 14600-14700 теңгеден.
Сала мамандары қала тұрғындарына қысқы жылу маусымына тұрғын үйлерге қажет көлемде қатты отынды сатып алуларын ескертеді. Жеке үй егелері көмірді жауын-шашын басталмай тұрып түсіріп алғандары тиімді. Өйткені, қазір бағасы да кішкене арзандау, әрі кебу күйінде. Жауын жауса, артық салмақ қосылып кететіні түсінікті.
