Бүгін аудан әкімдігіне қарасты бөлім мен мекеме басшыларының және ауылдық округ әкімдерінің қатысуымен аппараттық кеңес өтіп, бірқатар мәселелерді қаралды.
Күн тәртібіндегі алғашқы мәселе бойынша Жұмыспен қамту және әлеуметтік бағдарламалар бөлімінің басшысы баяндама жасап, ағымдағы жылдың 5 айында атқарылған жұмыстар мен алдағы жоспарларына тоқталды. Тиісінше, атаулы әлеуметтік көмек, инватакси қызметі, бейімдеу орталығы және осал топтағы азаматтарға арналған көмектерге қатысты бірқатар мәселелер талқыланды.
Сонымен қатар, кеңес барысында Алға ауылдық округіндегі атқарылған жұмыстар мен жоспарлы жұмыстардың орындалу деңгейі де жан-жақты сараланды. Жиын соңында Жұмыспен қамту және әлеуметтік бағдарламалар бөлімі мен Алға ауылдық округіне жүргізілген зерделеу жұмыстарының нәтижесі айтылып, орын алған олқылықтарды түзету керектігі ескертілді.
