Қазақстан заңнамасына сәйкес, Олимпиада жеңімпаздары мен жүлдегерлеріне мемлекет тарапынан қомақты қаржылай сыйақы төленеді. Ulytau Group компаниясы Италияда өтіп жатқан қысқы Олимпиада ойындарының чемпионы атанған Михаил Шайдоровқа Астанадан үш бөлмелі пәтер сыйлады.
Компания әлеуметтік желідегі парақшасында жеңімпазды құттықтап, сыйға берілетін пәтердің Есіл жағалауында орналасқанын жазды. Бұған дейін чемпионға қазақстандық өнерпаз Димаш Құдайберген көлік сыйлайтынын айтты. Ал inDriver компаниясы негізін қалаушы Арсен Томский Михаилдың әкесіне Audi Q8 автокөлігін сыйлады. Одан бөлек Президент Қасым-Жомарт Тоқаев Михаил Шайдоровты II дәрежелі «Барыс» орденімен марапаттады.
