Қазақстан құрамасы нысана көздеуден Үндістанның Нью-Дели қаласында өтіп жатқан Азия чемпионатында тағы екі алтын медаль еншіледі.
Әйелдер арасындағы жекелей сында София Шульженко 50 метрге үш қалыпта ату бағдарламасында топ жарып, әлем және Азия рекордтарын жаңартты.
Бұл жарыста үндістандық Дахия Аакрити екінші орынға ие болса, оның отандасы Моудгил Анджум қола медаль иеленді.
Сонымен қатар дәл осы бағдарлама бойынша өткен командалық сайыста Қазақстан әйелдер құрамасы алтын жүлдеге қол жеткізді. Күміс медаль Үндістан командасына бұйырса, Жапония құрамасы үздік үштікті түйіндеді. sportm.kz
