«Өз құқығыңды біл» атты семинар ұйымдастырылды

2023 жылғы 20 қазан күні «Жаңа-Ру» жастар коалициясының қауымдастығы» заңды тұлғалар бірлестігінің ұйымдастырумен «Азаматтық бастамаларды қолдау орталығы» коммерциялық емес акционерлік қоғамының гранты аясында «Құқығыңды білу міндет» әлеуметтік жобасының                         «Өз құқығыңды біл» атты семинар ұйымдастырылды. Семинарда Әлеуметтік медициналық сақтандыру жүйесі туралы, халықты әлеуметтік қорғау туралы, электронды үкімет порталы арқылы көрсетілетін қызмет түрлері, «Сыбайлас жемқорлыққа қарсы волонтерлік» жобасы, жалпыхалықтық табыс декларациясы, отбасыдағы құқықтық қатынастар, еліміздегі ипотекалық бағдарламалар туралы кеңінен айтылды. Семинарға жалпы саны 52 адам қатысты. Атап айтқанда, кәсіпкерлер, аз қамтылған отбасы мүшелері, түрлі мекеме қызметкерлері және т.б. Семинарға қатысушылар семинардан соң алғыстарын білдіріп, болашақта өзге тақырыптар бойынша тағы да ұйымдастыруды сұрады.