Қарағанды облысы әкімі Ермағанбет Бөлекпаев: 12 мың жұмыс орны ашылады

  «Өңірде 53 ірі жобаны жүзеге асыру қолға алынды, нәтижесінде 12 мың жұмыс орны ашылады. Облыста шағын және орта бизнес субъектілерінің саны артып келеді. Жергілікті органдар құны 18 миллиард теңге болатын 5,5 мың жобаны қаржыландырып 5,8 мың жұмыс орнын ашуды жоспарлап отыр. Сонымен қатар былтыр өңірде 597,2 мың шаршы метр тұрғын үй пайдалануға берілді. Ауылшаруашылығы саласында өткен жылы 1,2 миллион гектардан астам жер қайтарылды. Биыл игерілмей жатқан 580 мың гектар жерді қайтару жоспарланып отыр. Әлеуметтік саладағы жоспарлар бойнша ауылдық елді мекендерде 92 медицина нысаны салынады, ауылдық жерлердегі денсаулық сақтау саласын жаңғырту аясында 2 ауданаралық аурухана құрылады. Сондай-ақ Қарағанды медицина университеті жанынан 300 орындық клиника мен 200 орындық перинатальдық орталық салу қарастырылған. Облыста 2023-2025 жылдар аралығында 18 заманауи мектеп салынуға тиіс», – деп мәлімдеді.