Тараз қаласы Мұхтар Әуезов атындағы кітапханада Алғыс айту күніне орай Қайнар колледж білімгерлерімен «Қазақ еліне мың алғыс!» атты дөңгелек үстел өтті. Дөңгелек үстелге Жамбыл облысы Ардагерлер кеңесінің мәдениет және жастар ісі жөніндегі құраманың төраға орынбасары Исмайл Хаджимуратов, Айрықша тәуекелді Ардагерлер ҚБ-нің саяси бөлімінің басшысы Сейтхан Қуантаев қатысты.
Өз сөзінде Исмайл Хаджимуратов жастарға Жамбыл облысында тұрып жатқан жүзден астам ұлт өкілдері Қазақстанға қалай келді, бастарынан қандай зұлмат қиын күндер өтті. Қазақ елінде сол қиын шақтарында қазақтар үйімен, дастарқандарымен бөліскені жайлы тоқталып өтті.
Өзге ұлт өкілдерінің қазақ халқына деген алғыс сезімдерін жеткізді, жастарды тәрбиелі болуға, кез келген ұлт өкілдерімен достықта болуға шақырды. Сейтхан Қуантаев өз сөзінде жастарды үлкендерді сыйлауға, әке-ананың үмітін ақтап, жақсы маман иесі болуға шақырды, ұл балаларға әскерге барып, Отан алдындағы борышын өтеуге үндеді.
Сөз ортасында мектеп оқушылары мен кітапхана қызметкерлерінің әсем әндері шырқалды. Кездесу соңында Исмаил Хаджимуратов пен Сейтхан Қуантаев білімгерлер мен шараны ұйымдастырған кітапхана ұжымына рақмет айтып, Алғыс хатпен марапаттады.
