Қазақстанның Бельгиядағы елшісі Марғұлан Баймұхан НАТО-ның Кавказ және Орталық Азия жөніндегі бас хатшысының арнайы өкілі Хавьер Коломинамен кездесті. «Қазақстан билігі жіті және толыққанды тергеу жүргізіп жатқаны және оның нәтижесі әлем қауымдастығына ұсынылатыны айтылды. Қазақстан президенті Қасым-Жомарт Тоқаев қазақстандықтардың сапалы өмір сүру жағдайын қамтамасыз ету және елді одан әрі табысты дамыту бойынша жаңа үкіметтің алдына нақты міндеттер қойды», – деп жазылған елшіліктің баспасөз қызметі таратқан хабарламада.
