2017 жылы 32 397 қылмыс тіркелсе, 2022 жылы – 16 572. Өткен жылы 194 жалған жарнама мен заңсыз интернет-ресурс бұғатталды. 536 эпизод жасаған 89 адам және үш топ ұсталды. Есірткі қылмысымен күрес және нашақорлықтың алдын алу мәселелеріне ерекше назар аударылады. 232 есірткі қылмысы анықталды, оның ішінде 171-і сату бойынша. 257,5 кг әртүрлі есірткі заттары, оның ішінде 34,3 кг синтетикалық заттар тәркіленді. Төрт есірткі өндіретін зертхананың қызметі тоқтатылып, 75 есірткі сайттары бұғатталғандығын елордалық полиция департаменті хабарлады.
Адам өлтіру, ауыр дене жарақатын салу, зорлау, тонау, бұзақылық және пәтер ұрлықтары азайып, көшедегі қауіпсіздік деңгейі 5,5%-ға артты. Ал қылмыстың қайталануы 42,1%-ға төмендеді. Бұл цифрлар ғана. Шынында да солай ма? Себебі ересектер түгілі жасөспірімдер арасында қылмыс өршіп тұр. Мектеп жасындағы балалардың бір-біріне деген зорлық-зомбылығы туралы деректер көп.
