Жаңа жыл қарсаңында Сарыағаш ауданына қарасты Жылға елді мекенінде ауыз су қоймасының құрылысы аяқталып, тұрғын үйлер ауыз сумен қамтылды. Салтанатты шараға аудан әкімі Арман Абдуллаев пен аудандық мәслихат төрағасы Рысбек Асылбекұлы ауыл ақсақалдары мен ауыл тұрғындары қатысты.
– Мемлекет басшысы Қасым-Жомарт Тоқаевтың халыққа Жолдауында ауылдық елді мекендерді дамыту, тұрғындардың өмір сапасын жақсарту бойынша берілген тапсырмасына сәйкес, Сарыағаш ауданында ауқымды жұмыстар атқарылуда. Осы орайда, бүгін ауыл халқы сапалы ауыз сумен қамтылып отыр. Барша тұрғынды жылдап күткен таза ауыз судың әрбір тұрғынның ауласына жеткізілгендігімен құттықтаймын, – деді Арман Абдуллаев.
Жобаға сәйкес 104,1 шақырым ұзындықта су құбыры жүргізіліп, 1000-ға жуық тұрғын үй ауыз сумен қамтылды. Құрылыс нысанында 700 метр су ұңғымасы қазылып, 1-ші көтеру, 2-ші көтеру сорғы станциясының ғимараты салынып, ауыз су құбырлары және сыртқы қоршау жұмыстары жүргізілген.
Аудан әкімі жауапты мамандарға жаңа нысанды күтіп ұстап, ауылды сумен үзіліссіз қамтамасыз етуді тапсырды.
