2-3 мамыр күндері Тараз қаласында Жамбыл облысының ардагерлері ұйымының құрылғанына 36 жыл толуына орай жыл сайынғы дәстүрлі спартакиада өтті. Шараға Сарысу аудандық ардагерлер кеңесінің төрағасы Ж.Жұмаділдаев бастап, әр түрлі спорт түрлерінен ардагерлер қатысты.
Спартакиада нәтижесінде тоғызқұмалақтан − Жайылма ауылдық округінен Түлкібаев Құдайберген 2 орын және Жаңарық ауылдық округінен Ширинбекова Кенжетай 5 орын, дойбыдан−Жаңатас қаласының ардагері Ярашов Тоймұрат 5 орын және Тұңғышбаева Анар 4 орын, дартстан-Жаңарық ауылдық округінен Райымжанов Шабданбек 3 орын, үстел теннисінен−Сарысу ауданы Жаңатас қаласындағы 26 спорт мектебінің жаттықтырушы-оқытушысы және ардагері Алиев Низами 3 орын, ләңгіден−Жаңарық ауылдық округінен Сапарбаев Дүйсен 3 орын, бильярдтан Рахымов Керімбай 4 орынмен марапатталса, ардагерлерден құралған волейбол командасы 8 орын алды.
Облыс бойынша спартакиадаға 12 команда қатысып, Сарысу ардагерлер командасы жүлделі 5 орынды иеленіп, 150 мың теңге ақшалай сертификат ұтып алды.
