САРЫСУЛЫҚТАР ӘЛЕМНІҢ ЕКІ ДҮРКІН ЧЕМПИОНЫН КҮТІП АЛДЫ

САРЫСУЛЫҚТАР ӘЛЕМНІҢ ЕКІ ДҮРКІН ЧЕМПИОНЫН КҮТІП АЛДЫ
 
Мерекеге толы көктемнің алғашқы күндерінде осыдан бірер күн бұрын алыс қиырдан ақжолтай хабар жеткен болатын.
Ел мақтанышы, ауданымыздың, қазақ елінің спорт өнерінің мәртебесін көтеріп жүрген Нұр Аманшүкір Үндістан төрінде Көк Туымызды, көкке желбіретіп, бүкіл әлемге танытты. Осыған орай, бүгін аудандық мәдениет үйінде ауданымыздың мақтанышын салтанатты күтіп алу рәсімі өтті.
🔰Шараға аудан әкімінің орынбасары Ерлан Ермағанбетов қатысып, құттықтау сөз сөйледі:- Бұл - Нұр балуанымыздың екінші рет әлем чемпионы атануы. Алғашқы рет 2022 жылы Астана қаласында өткен Әлем чемпионатында 66 келі салмақта жеңімпаз атанған болатын. Нұр бауырымыздың жеңісі ауданымыздың ғана емес күллі қазақ елінің жеңісі.
Жас болса да байрақты бәсекелерде оза шауып, ізінен ерген жас балуандарға рухани күш сыйлап, спортқа деген ынтасын ашқан спортшының алар асуы әлі алда, - деп спортшыға құрмет көрсетіп, жаттықтырушысы Манарбек Тоғымановпен бірге марапаттады.
🔰Сонымен қатар, «ГПК Қаратау» тау-кен өндіру кешені филиалының директоры Әділхан Ералиев пен «Аманат» қайырымдылық қорының жетекшісі Самат Жанқұжаев та чемпионды жеңісімен құттықтап, иығына шапан жауып, сый - сыяпат тапсырды.
🔰Салтанатты шара барысында залдағы жастар спортшыға сұрақтарын қойып, жеңіске жету жолындағы міндеттер мен мақсаттар туралы кеңінен ақпарат алды.
🔰«Батаменен ел көгерер» демекші, ауданымыздың қариясы Шәріпбек Қалжанов чемпионымызға бата беріп, алдағы жарыстарына сәттілік тіледі. Шарада Аудандық мәдениет үйінің әншілері "Атамекен" әнін орындап, көпшілікті бір серпілтіп жіберді.
Сарысу ауданы әкімдігі
06.03.2025

Ұқсас жаңалықтар

Топ жаңалықтар

1
Алматыда көшкін қаупі сейілген жоқ
Show more
Камила Мүлік - 2025-02-20 3686
2
Алматы төтенше жағдайларға дайын ба?
Show more
Камила Мүлік - 2025-02-13 3889
3
Ойынқұмарлық дендеп барады
Show more
- 2024-11-30 18817
4
Пәтер сатып алғанда абай болыңыз!
Show more
Аққу СӘЛІМБЕК - 2024-06-14 17495
5
Алты алаштың басы қосылса, төр – мұғалімдікі
Show more
АҚҚУ СӘЛІМБЕК - 2024-06-12 20926