Спорт кешенінің құрылысы талапқа сай жасалуда

Аудан әкімі Ерлан Қыдыралыұлы аудан көлеміндегі құрылыс жұмыстарының аяқ алысын бақылап қайтты.
Алдымен аудан басшысы тұрғындар тілегі бойынша еңсе тіктей бастаған Өрнек ауылындағы спорт кешеніне барды.
Жауаптылармен жолығып, құрылыс барысын сұрады.
Аудан әкімдігі сәулет, қала құрылысы және құрылыс бөлімінің басшысы Дамир Жаманбаевтың айтуынша, “Авторемстрой” жауапкершілігі шектеулі серіктестігіне құрылыс аяқтауға бюджеттен 336 млн 459 мың теңге қаралған. Пайдалануға қараша айында беріледі.
Құрылыс жұмыстарын көрген аудан басшысы құрылыс сапалы әрі уақытылы аяқталуы керектігін жауаптыларға ескертті.