Биыл Дүниежүзілік ХІХ жазғы оқушылар Гимназиадасы Францияда (Нормандия) 14-22 мамыр аралығында өтуде. 20 спорт түрінен сайыстар 9 қалада өткізіліп жатыр.
Халықаралық мектеп оқушыларының гимназиадасы – 16-18 жас аралығындағы оқушыларға арналған ірі халықаралық мультиспорттық іс-шара. Бұл ірі халықаралық спорттық жоба алғаш рет 1974 жылы ұйымдастырылған. Бұған дейін Францияда төрт халықаралық гимназиада өткізілген. 2024 жылы Парижде Олимпия ойындары өтетінін ескерсек, оқушылар арасындағы бірегей халықаралық спорттық іс-шараның маңыздылығы зор.
Дүниежүзілік гимназиадада таэквондодан Тараз қаласы А.Пушкин атындағы №41 орта мектебінің оқушысы Каражанова Азиза жеңімпаз атанды. Бұл біз үшін үлкен жетістік!
Ел үмітін ақтап, шексіз қуаныш сыйлаған оқушымызды, жаттықтырушыларын, ата-анасын шын жүректен құттықтаймыз! Жеңістеріміз көп болсын!
