Өткен аптада Әл-Фараби атындағы ҚазҰУ-нің Физика Техникалық факультетінде шет тілі пәні бойынша «Постер» шығармашылық байқауы өткізілді.
Бұл «Постер» байқауын «техникалық физика, теориялық ядролық физика, жылу энергетикасы және ядролық медицина» мамандықтарының 1-курс магистрант студенттері мен «Шет тілдер» кафедрасының оқытушысы Г.Б.Қыдырбаева «The sphere where I can use my knowledge» тақырыбында ұйымдастырды.
Байқаудың негізгі мақсаттары мен міндеттері:
- магистранттардың интеллектуалды және шығармашылық қабілеттерін айқындау және дамыту;
- сыни және шығармашылық тұрғыдан ойлау қабілеттерін дамыта отырып, магистранттарды қолдау үшін қажетті жағдай жасап, ағылшын тілінде пікір алмасып, ағылшын тіліне дағдыландыру;
- магистранттардың тілге деген қызығушылықтары мен тілдік қабілеттерін жан-жақты дамыту; оқу және кәсіби мотивация деңгейін арттыру;
Топтарға бөлінген магистрант студенттер бұл тақырыпқа зор қызығушылық пен дайындықтарын көрсете білді.
Академиялық ұтқырлық бағдарламасы бойынша келген шетелдік магистранттар да бұл байқауға қатысып, іс-шара туралы өз пікірлерін білдірді. Сондай-ақ, ұйымдастырушылық және әлеуметтік маңызы бойынша шығармашылық жұмыстар байқауы өте жоғары деңгейде өткізілді.
