Қазақстан Республикасының Тәуелсіздік күні мерекесі қарсаңында Жамбыл облысы бойынша Қылмыстық-атқару жүйесі департаментіне қарасты №59 мекемесі және Жамбыл облысы әкімдігінің дене шынықтыру және спорт басқармасының бірлесе ұйымдастыруымен сотталғандар арасында спорттық іс-шаралар өткізілді.
Мерекеге орай сотталғандардың салтанатты жиынында 16- желтоқсан “Тәуелсіздік күні” елімізде болған оқиғаны қысқаша баяндап, ұрпаққа тарту еткен кең байтақ еліміз жайында сотталған азаматтарға баяндама жасалды. Мерекелік іс-шараны мекеменің тәрбие жұмыстары жөніндегі бөлім басшысы Құрманқұл Мұқағали Жұмағалиұлы сотталған азаматтар арасындағы спорттық іс-шарадан бастады. Атап айтқанда, шахматтан жарыс, гір тасын көтеру, турникке тартылу, арқан тартысы сондай-ақ, қол күрес арқылы бір-бірімен бақ сынасты. Сотталған азаматтар шараға белсене қатысып, мерекемен құттықтады. Белсенділік танытқан сотталған азаматтарға мерекеге орай алғыс хаттар тарту етілді.
Барша қазақстандықтарды келіп жеткен, ата-бабамыз аңсаған тұғырлы тәуелсіздік мерекесімен шын жүректен құттықтаймыз. Егеменді еліміз аман, жұртымыз тыныш болсын!
