Тоқаев пен Путин бүгін нені талқылайды?

      Ресей президентінің баспасөз хатшысы Дмитрий Песков: «Ресей және Қазақстан президенттері Владимир Путин мен Қасым-Жомарт Тоқаев 10 ақпанда жақын аймақтағы жағдай мен қақтығыстарды талқылайды. Бұл өте маңызды кездесу және Ресей оған қатты мән беріп отыр. Кездесу қорытындысы бойынша БАҚ-қа мәлімдеме жасайды»,— деп хабарлады. Кремль бейсенбі күні Владимир Путин мен Қасым-Жомарт Тоқаевтың кездесетіні туралы хабарлаған болатын. Ақпаратта екі елдің басшысы Ресей мен Қазақстанның қарым-қатынасы, еуразиялық кеңістіктегі интеграциялық әріптестік пен өзекті халықаралық мәселелерді талқылайтыны айтылған. Ов: «Әрине, мемлекет басшылары жақын аймақтағы жағдай мен қақтығыстарға қатысты пікір алмасады. Бұқаралық ақпарат құралдарына қорытынды мәлімдеме жасалады»,— деді.  Ал мұның алдында президент Тоқаевтың баспасөз хатшысы Берік Уәли мемлекет басшысының 10-11 ақпанда Ресейге жұмыс сапарымен баратынын хабарлаған болатын. Оның ақпаратына сәйкес, мемлекет басышысы алдымен Мәскеуде Ресей президентімен кездеседі, кейін Казань қаласына барады.