Түркістан облысына сапар

Түркістан облысына сапар
Түркістан облысына сапарымның басты мақсаты - жергілікті тұрғындармен кездесу. Сондықтан Шардара ауданына барғанымда шаруалармен кездесіп, оларды толғандыратын мәселелермен таныстым.
Аудан тұрығындарына ауыл шаруашылығы саласының өкілдерін қолдау мақсатындағы қолданыстағы және әзірленіп жатқан іс-шаралар мен оларды су үнемдеу технологияларын қолдануға ынталандыру жөніндегі шешімдер туралы айтып бердім.
Мысалы, Ауыл шаруашылығы министрлігімен бірлесіп үнемді суару жүйелерін орнатуға және сатып алуға арналған шығындарды субсидиялау мөлшерін 50%-дан 80%-ға дейін ұлғайту бойынша жұмыс жүргізіліп жатыр.
Сондай-ақ, шаруа қожалықтары «Қазсушар» мемлекеттік кәсіпорнымен шарт жасасу арқылы суармалы суды неғұрлым тиімді бағамен ала алады. Министрлік отандық және шетелдік компаниялармен Қазақстанда су үнемдеу саласындағы әзірлемелерді енгізу бойынша келіссөздер жүргізіп жатыр.
Шардара ауданының шаруалары өздерін толғандыратын сұрақтарды қойып, мәселелер мен ұсыныстарын айтты. Атап айтқанда, «Қазсушармен» жасалатын келісім-шарттардың талаптарын, оның ішінде, су беру кестесінің бір бөлігі бойынша пысықтауды ұсынды. Сондай-ақ, шаруалар өсірілетін дақылдардың түрлеріне байланысты тарифтеудің жоқтығы туралы және СДЖЖ-2 (суару және дренаждық жүйелерді жетілдіру) жобасы бойынша өз ескертулерін айтты. Сонымен қатар, жергілікті тұрғындар Шардара ауданында жаңа магистральдық арналар мен топтық су құбырларын салу, күріш егістігін қысқарту, тарифтер мен субсидиялар туралы сұрақтар қойды.
Ал су үнемдеу технологиялары саласындағы отандық және шетелдік компаниялардың өкілдері шаруаларға өз әзірлемелерін ұсынды.
Жиналғандардың барлығына ашықтық пен белсенділік үшін алғыс айтамын. Шаруа қожалықтары өз ұсыныстарымен белсенді бөлісуі керек.
Біз субсидиялауды 30% - ға ұлғайту бойынша жұмыс істеп жатырмыз, ал озық суару жүйелерін шығаратын кәсіпкерлер құны миллион теңгеден артық жобалық-сметалық құжаттаманы тегін әзірлеуге, сондай-ақ өз жабдықтарына үш жылдық кепілдік беруге дайын.
Бұдан басқа, мемлекет трансформаторларды орнатуға, электр желілерін салуға және басқа да инфрақұрылымға жұмсалатын шығындардың бір бөлігін субсидиялайды. Сондықтан, егер су ресурстарын сақтап қалғымыз келсе, бір – бірімізбен белсенді қарым-қатынас жасауымыз керек.
Түркістан облысының тұрғындарымен кездесулер аяқталған жоқ. Алда Жетісай және Мақтарал аудандарының шаруаларымен кеңес өткіземіз.
Нұржан Нұржігітов, ҚР Су ресурстары және ирригация министрі
02.03.2024

Ұқсас жаңалықтар

ТҮРКІСТАН МЕРГЕНІ ЖАМБЫ АТУДАН АЗИЯ ЧЕМПИОНЫ АТАНДЫ
Түркістан облысы әкімінің баспасөз қызметі - 22.04.2024 22
«ЖАСЫЛ АЙМАҚ»: СОЗАҚ АУДАНЫНДА 1500 ТҮП ГҮЛ КӨШЕТТЕРІ ЕГІЛДІ
Түркістан облысының Өңірлік коммуникациялар қызметі - 22.04.2024 29
ТҮЛКІБАС АУДАНЫНДА 13 КАНАЛДЫ БЕТОНДАУ ЖҰМЫСТАРЫ ҚАРҚЫНДЫ ЖҮРІП ЖАТЫР
Түркістан облысы әкімінің баспасөз қызметі - 22.04.2024 26
ТҮРКІСТАН ОБЛЫСЫНЫҢ СПОРТШЫЛАРЫ ПАРИЖ ОЛИМПИАДАСЫНА ЖОЛДАМА АЛДЫ
Түркістан облысы әкімінің баспасөз қызметі - 22.04.2024 17
ТҮРКІСТАН ОБЛЫСЫНДА ЭКОЛОГИЯЛЫҚ ЖАҒДАЙ ҚАТАҢ БАҚЫЛАУДА
Түркістан облысы әкімінің баспасөз қызметі - 22.04.2024 19

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 938
2
Өркенді қала-қуатты өңірге жетелейді
Show more
Дахан Шөкшир - 2023-06-02 7008
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 10851
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 7074
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 7214