ТҮРКІСТАН ОБЛЫСЫНДА АУЫЛ ШАРУАШЫЛЫҒЫ ТЕХНИКАСЫН ШЫҒАРАТЫН ЗАУЫТ АШУ ЖӨНІНДЕ КЕЛІССӨЗ ЖҮРГІЗІЛДІ

ТҮРКІСТАН ОБЛЫСЫНДА АУЫЛ ШАРУАШЫЛЫҒЫ ТЕХНИКАСЫН ШЫҒАРАТЫН ЗАУЫТ АШУ ЖӨНІНДЕ КЕЛІССӨЗ ЖҮРГІЗІЛДІ
Түркістан облысының әкімі Нұралхан Көшеров «Агромашхолдинг» АҚ-ның президенті Динара Шүкіжанованы қабылдады. Кездесуде қос тарап Түркістан облысында инвестициялық жобаларды жүзеге асыру мәселесін талқылады. Нақтырақ айтсақ, Түркістанда ауыл шаурашылығы техникасын шығаратын зауыт ашу жөнінде келіссөз жүргізді. Өңір басшысы аймақта өндірісті дамытуға, жаңа жобаларды жүзеге асыруға қолайлы жағдай жасалғанын жеткізді.
– Түркістан облысы – аграрлы аймақ. Ауыл шаруашылығы техникаларына сұраныс өте жоғары. Сондықтан арнайы зауыт пен сервистік орталықты өңірімізден ашу тиімді болады. Арнайы ғимарат, жер және инфрақұрылым бойынша толық қолдау көрсетіледі. Бірлесе жұмыс істеуге дайынбыз, – деді Нұралхан Көшеров.
«Агромашхолдинг» АҚ-ның президенті Динара Шүкіжанова әріптестік орнатуға қолайлы жағдай ұсынған облыс басшылығына алғысын айтты. Түркістанның әлеуеті жоғары екеніне тоқталды. Облыс аумағындағы өндірістік паркке арнайы барып, ғимаратты көретінін айтты. Сонымен бірге мамандар келіп, жан-жақты зерделейтінін жеткізді. Ауыл шаруашылығы техникаларын өндіруде АҚШ пен Қытайдың да үлгілері қолданылмақ. Келіссөздер жалғасып, жақында тиісті шешім қабылданады.
Айта кетейік, Мемлекет басшысы «Ауыл шаруашылығы еңбеккерлерінің» бірінші форумында ауыл шаруашылығы техникаларын жаңарту деңгейін жылына 8-10 пайызға дейін жеткізу міндетін жүктеді. Облыс көлемінде 11 мыңнан астам ауыл шаруашылығы техникасы бар. Оның 3 мыңы ескіріп, пайдалану мерзімі 20 жылдан асқан. Осы мәселені шешу мақсатында алдағы 5 жылда ауыл шаруашылығы техникалары паркін 35 пайызға жаңарту жоспарланған. Бұл ретте арнайы зауыт ашу жоспары да қарастырылып отыр.
Түркістан облысы әкімінің баспасөз қызметі
26.03.2025

Ұқсас жаңалықтар

Топ жаңалықтар

1
Алматыда көшкін қаупі сейілген жоқ
Show more
Камила Мүлік - 2025-02-20 3687
2
Алматы төтенше жағдайларға дайын ба?
Show more
Камила Мүлік - 2025-02-13 3890
3
Ойынқұмарлық дендеп барады
Show more
- 2024-11-30 18818
4
Пәтер сатып алғанда абай болыңыз!
Show more
Аққу СӘЛІМБЕК - 2024-06-14 17496
5
Алты алаштың басы қосылса, төр – мұғалімдікі
Show more
АҚҚУ СӘЛІМБЕК - 2024-06-12 20927