Жас ұрпақтың патриоттық сезімін ояту мақсатында бұл челлендж 2023 жылдан бастап жыл сайын дәстүрлі түрде ұйымдастырылып келеді. Челленджді өткізу барлық білім беру ұйымдарында дәстүрге айналды. Жүзге жуық өнерлі өреннің басын қосқан бастама «Адал азамат» біртұтас тәрбие бағдарламасы мен «Наурызнама» іс-шаралар жоспары аясында жүзеге асырылуда. Ұлттық дүниетанымға, ұлттық өнерге деген көзқарас пен жарқын пікір еліміздің баянды болашағына, өркениет құндылықтарына әрдайым жол ашады.
Республикалық домбырашылар челленджіне қатысушы Қыдырбай Әлмерек өз әсерімен бөлісті:
– Бәріміз бір үйдің баласындай бірігіп, бүгінгі іс-шараға қарқынды дайындықпен келдік. Домбыра тарту барысында әрқайсымыз жұдырықтай жұмылып, кербез күйдің ырғағына беріле отырып орындап шықтық. Сонымен қатар ұлттық аспабымыз әр үйдің төрінде ілініп тұрғанын қалаймын. Өйткені домбыра жай ғана аспап емес, бұл – біздің ұлттық құндылығымыз, мәдени мұрамыз. Домбыра – қазақтың сан ғасырлық көңіл күйін, сағыныш с азын, мұң-шерін екі шектің күмбірімен жеткізген рухани құндылығымыз. Халықтың ықыласына бөленген челленджде Құрманғазы Сағырбайұлының «Адай», «Балбырауын», «Сарыарқа», Нұрғис а Тілендиевтің «Әлқиса», Әбдімомын Желдібаевтің «Ерке сылқым» күйлері нақышына келтіріле орындалды. Бұл челлендж тарихи сабақтастықтың көрінісі іспетте с әсер қалдырды.
