1,5 млн адамның 1,4 трлн теңге қарызы бар

ОКҚ өткен баспасөз мәслихатында Қаржы вице-министрі Ержан Біржанов: «Осы жылдың 1 қазанындағы жағдай бойынша 1 млн 400 мыңнан астам қазақстандықтың 1 триллион 450 млрд теңге қарызы бар. Олар 90 күннен асқан қарыз болып есептеледі. Осы санаттағы азаматтардың жағдайын жақсарту үшін Қаржы министрлігі «Жеке тұлғалардың банкроттығы туралы» заң жобасын әзірледі. Бұл құжатты дайындауға халықтың шамадан тыс несиелік ауыртпашылығы мен азаматтардың едәуір бөлігінің қаржылық жағдайының нашарлауы түрткі болды. Осы азаматтардың ішінде 5 жылдан астамы қарызы бар 365 мың адам бар. Олардың берешегі бүгінгі таңда 504 млрд теңгені құрайды.», – деді.