Академик Е.А.Бөкетов атындағы Қарағанды университетінің ғалымдары «Орталық Қазақстан- дағы ашаршылық 1931–1933: архивтік құжаттар мен естеліктер жинағы» атты кітабын таныстырды. Басылымда бұрын жарияланбаған мұрағат материалдары мен ашаршылық куә- герлерінің естеліктері жинақталған.
Кітап тарихшылар мен филологтар бір жыл- дан астам уақыт жұмыс істеген ғылыми жобаның нәтижесі болды.
– Жобаның мақсаты мұрағаттық құжаттарды, сондай-ақ сол қайғылы кезеңдер туралы әңгімелер сақталған отбасы- лардың естеліктері мен сұхбаттарын жинау бол- ды, – дейді басылымды құрастырушылардың бірі филология ғылымдарының кандидаты Лариса Харитонова. – Жиналған материалдар Қараған- ды облысындағы сталиндік ұжымдастыру сал- дарының толық көрінісін ұсынады. Мұндай үлкен зерттеу алғаш рет аймақтық бөлімде жүргізілді. Тарихшылардың қажырлы еңбегінің арқасында 90-нан астам мұрағаттық құжаттар табылды. Олардың 80%-дан астамы бұрын жарияланбаған.
Өз кезегінде филологтар далалық іздеумен айналысты. Бұл міндет оңай болған жоқ. Оқиға- лардың тікелей куәгерлері дүниеден озған. Бірақ ғалымдар олардың балаларымен және немере- лерімен сөйлесе алды. Жинаққа ашаршылықты бастан кешкен 100 отбасының тарихы кірді.
Кітап қазақ және орыс тілдерінде 100 дана таралыммен шықты. Басылым ғалымдарға және Қазақстан тарихына қызығушылық танытқан- дарға арналған. Республика кітапханаларына тапсыру жоспарлануда. Сондай-ақ жинақты ҚарУ баспасынан сатып алуға болады.
