Бүгін ҚР Ақпарат және қоғамдық даму министрі Аида Балаева Еуропа Одағының Орта Азия бойынша арнайы өкілі Тери Хакаламен кездесіп, оны Еуропа Одағының Орта Азия бойынша арнайы өкілі лауазымына жақында тағайындалуымен құттықтап, оған жемісті жұмыс тіледі. Сондай-ақ, министр Тери Хакала ханымды министрлік қызметінің негізгі бағыттарымен таныстырды. Т. Хакала өз кезегінде: «Қазақстан мен ЕО-ның қарым-қатынасы өте жоғары деңгейде. Қазақстан – ЕуроОдақтың Орталық Азиядағы басты сауда серіктесі. Сіздің министрлігіңіздің рөлі маңызды. Біз қоғамдық маңызы бар жобаларды, соның ішінде алдағы «Орта Азия – ЕО» Азаматтық форумын іске асыру үшін ЕО институттары мен Орта Азия мемлекеттері арасындағы диалогты қолдауға мүдделілік білдіреміз»,— деді. Кездесу қорытындысы бойынша тараптар өзара тиімді ынтымақтастыққа бейіл білдірді.
Ермек Сахариев
