Алматыда құрылыс қандай қағидаларға сүйенеді?

Өңірлік коммуникациялар қызметінде өткен брифинг барысында қала әкімінің орынбасары Мұхит Әзірбаев: «Алматыдағы құрылыс халықтың тығыздығын ескере отырып жүргізіледі. Қаланың тарихи орталығында гектарына 300 адамнан келеді. Бұл қаланың сәулет келбетін қалыптастыру және қала құрылысын жоспарлау ережелері бойынша есептелген. Басқа аудандарда «Алматы – шетсіз қала» тұжырымдамасына сәйкес, тығыздық гектарына 440 адамнан аспауы керек. Бұл тармақ қала құрылысы құжатында да жазылған. Ауданда балабақшалар, мектептер, емханалар мен полиция пункттерінің саны жеткілікті болған жағдайда тығыздықты 20 пайызға арттыруға жол беріледі, яғни әлеуметтік инфрақұрылым қамтамасыз етілген», – деп мәлімдеді.