«AMANAT» партиясында «Бақытты отбасы» партиялық жобасы аясындағы «Баланы мектепке даярлайық!» жалпыреспубликалық қайырымдылық акциясы қорытындыланды. Дәстүрлі түрде өткізілетін бұл акцияның басты мақсаты – көпбалалы және аз қамтылған отбасыларға балаларын 1 қыркүйекке дайындауға көмектесу.
Акцияға партияның Орталық аппараты мен аймақтық филиалдарының қызметкерлері, партия депутаттары, бастауыш партия ұйымдарының мүшелері қатысты. Осылайша, ел аумағындағы 42мыңнан астам бала мектеп формасын, рюкзактар мен кеңсе тауарларын алды.
«Баланы мектепке даярлайық!» қайырымдылық акциясы бүгін аяқталып отыр. Соның аясында барлық өңірдегі партия мүшелері балаларды жаңа оқу жылына дайындауға атсалысты. Аманаттықтар 23 мыңнан астам отбасының 42 мың оқушысын мектеп формасымен, оқулықтармен, рюкзактармен және кеңсе тауарларымен қамтамасыз етті. Бұл Мемлекет басшысының әлеуметтік қиын жағдайға тап болған балалар мен отбасыларды қолдау жөніндегі бағыт-бағдарын жүзеге асыруға «AMANAT» партиясының қосқан үлесі. «Баланы мектепке даярлайық!» акциясы бұл бір рет қана өткізілетін іс-шара емес. Қазақстандықтардың әл-ауқатын арттыруға бағытталған партияның ауқымды жүйелі жұмысының бір бөлігі», – деп атап өтті Ерлан Қошанов.
Партия төрағасы «Бақытты отбасы» партиялық жобасы аясында 2022 жылдың бірінші жартыжылдығында ғана 13 мың адам жұмысқа орналастырылғанын, 37 мың отбасына АӘК ресімдеуге көмек көрсетілгенін және 49 мың отбасына біржолғы әлеуметтік көмек төленгенін атап өтті. 146 отбасы тұрғын үймен қамтамасыз етілді.
Сонымен қатар, «AMANAT» партиясы өзінің сайлауалды бағдарламасын жүзеге асыру аясында балалардың білім алуына лайықты жағдай жасау бағытында ауқымды жұмыс атқаруда. Ол үшін 2022 жылдың соңына дейін 214,5 мың орындық 225 жаңа мектеп пайдалануға беріледі. Ал жаңа оқу жылының басында 37 мың орындық 81 жаңа мектеп ашылуға дайын.
«Баланы мектепке даярлайық!» акциясын ел аумағындағы барлық партиялықтар қолдады. Мәселен, Маңғыстау облыстық мәслихатындағы «AMANAT»партиясының депутаты Нәжімеден Губашов Мұнайлы ауданының 1000 оқушысына мектеп формасы жиынтығын, кеңсе тауарлары мен рюкзактар табыс етті.
«Халықтың әлеуметтік осал тобынан шыққан балалардың оқуға бастар қадамы қуанышқа толы болуы үшін оларды мектепке даярлап, жан-жақты көмек көрсету ісінде әркім азаматтық белсенділік танытатынына сенімідімін. Салауатты, сәтті әрібақытты өмір негізі балалық шақта қаланды. Балалардың дамуына қолдау көрсету – қоғамның басты мақсаты. Олар – гүлденген, тәуелсіз мемлекетті құрушылар», – деді ол.
Қарағанды өңірінде бес бала тәрбиелеп отырған облыс орталығының тұрғыны Гүлнар Сейітомар дапартиялықтардың көмегін көрді.
«Акция бастау алған сәтте бірден «AMANAT» партиясына көмек сұрап жүгіндім. Балаларымның барлығы мектеп оқушылары. Бұл қолдау мен үшін үлкен көмек болды. Себебі жаңа оқу жылы басталар тұста бәрі қымбаттап кетті», – деді ол.
Шымкентте қалалық мәслихаттың депутаты, «AMANAT» фракциясының мүшесі Жадыра Таңатарова алты баланы жалғыз тәрбиелеп отырған көпбалалы ана, ІІ топтағы мүгедек Наргиза Артыққожаеваға барды.
«Партия көпбалалы отбасыларға көмек көрсетіп, бүлдіршіндердің өзін жайлы сезінуі, сабақтан қалмауы үшін тең жағдай жасауға тырысатыны қуантады», – деді Наргиз Артыққожаева.
Абай облысында өңірдің жақында құрылғанына қарамастан, жергілікті партиялықтар игі істен шет қалмай, акцияға белсенді түрде қосылды. Жақында облыстық мәслихаттағы «AMANAT» фракциясының мүшесі Әсемқан Досқожанов май экстракциялайтынзауыт қызметкерлерінің балаларына мектеп формасын табыстады.
«Менің бес балам бар. Отбасымызда тек күйеуімғана жұмыс істейді. Сондықтан партиядан көмек сұрадым. Өтінішім жерде қалған жоқ. Ұйымдастырушыларға алғысым шексіз. Балаларымызға спорттық киімдер, оқу құралдары бар сөмкелер сыйға тартылды. Мұндай көмекті көп отбасы көрді», – деді Семей қаласының тұрғыны Қарлығаш Түсіпова.
Партиялық «Баланы мектепке даярлайық!»қайырымдылық акциясы дәстүрге айналып, осымен 12 жыл қатарынан өткізіліп келеді.
