Әннен шашу шашылған күн

Әннен шашу шашылған күн

Республика күніне орай Ақмола облыстық филармониясында 76-концерттік маусымның ашылуы аясында К.Күмісбеков атындағы қазақ халық аспаптар оркестрінің концерті халықаралық деңгейде өтті. Себебі  Қырғыз Республикасының  халық әртісі, ҚР  Мемлекеттік сыйлығының иегері,  халықаралық және республикалық байқаулардың лауреаты, «ДАҢҚ» орденінің кавалері, профессор Бақтыбек Тилегенов пен солист, халықаралық байқаулардың лауреаты Шарипбек уулу Расулбек өнер көрсетті. Туыстас, тұрмыс-тіршілігі, салт-дәстүрі ұқсас екі елдің өнері де, саз әуені де   бір-біріне астасқан. Қырғыз өнерпаздары көкшелік әнсүйер қауымға өз ұлтының байырғы және жаңа туындыларын тамашалатты.  Жиналған қауым күмбірлеген қазақтың қара домбырасымен үндесе төгілген қырғыздың ұлттық аспабы – комуздың сырлы әуезінен сыр ұғып, сан ғасырлар сорабынан жеткен әдемі әуездің  әсем  үніне  тәнті болды. Ең әсерлісі дәулескер күйшілер  Әбілсерік Қамашев пен Шарипбек уулу Расулбектің (комуз) орындауындағы күй тартысы өнерсүйер қауымның рухын бір серпілтті. 

Қырғызстандық  дирижер Бақтыбек Тилегеновтың жетекшілігімен К.Күмісбеков атындағы қазақ халық аспаптар оркестрі А.Айталиевтың «Нарындан жазган салам кат», «Жылкычылар», А.Жумакматовтың «Ак-куу» сияқты қырғыз халқының төл туындыларын орындады. Туыстарынан қалыспаған оркестр дирижері Жанат Рашит К.Күмісбековтің «Еңбек салтанаты», «Сары өзен саздары», «Ереуіл атқа ер салмай», Құрманғазының «Сарыарқа», «Балбырауын» күйлерін құйқылжытты. Осылай өнер маусымы ашылды, жырдан шашу шашылды. 

Дахан ШӨКШИР
04.11.2022

Ұқсас жаңалықтар

Тез таралатын жұқпалы аурудан сақтану
Артықбаев Сәкен Сарсенұлы Сарысу аудандық санитариялық-эпидемиологиялық бақылау басқармасының басшысы - 29.03.2024 12
Қызылша – вирусты инфекция
Артықбаев Сәкен Сарсенұлы Сарысу аудандық санитариялық-эпидемиологиялық бақылау басқармасының басшысы - 29.03.2024 6
ҚАЗАҚТЫҢ ЖАНЫ – ДОМБЫРА
Дәулетбек Байтұрсынұлы - 28.03.2024 148

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 358
2
Өркенді қала-қуатты өңірге жетелейді
Show more
Дахан Шөкшир - 2023-06-02 6464
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 8172
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 6543
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 6679