АҚШ-та қазақтар саны 100 мыңға жуықтады

АҚШ-та қазақтар саны 100 мыңға жуықтады

 «Хабар 24»: «Америка Құрама Штаттарында тұрып жатқан қазақтар саны шамамен 100 мыңға жуықтады. Бұл біздің ел азаматтарының ғана емес, Түркия, Моңғолия, Қытай сияқты әлемдегі өзге де мемлекеттерден барған қандастардың жалпы саны», – деп хабарлайды. Қазір тіл курстарына деген қажеттілік туындай бастады. Себебі жат құрлықтағы бала-шағасын түп-тамырынан ажыратпаудың қамын ойлап жүрген қазақ көп. Вашингтон қаласы мен Вирджиния және Мэриленд штаттарында тұрып жатқан қазақтардың жиынында осы мәселе сөз болды. Басқосуды Қазақ-Американ қауымдастығы ұйымдастырды. Бұл – пандемия кедергі келтірген үш жылғы үзілістен кейінгі басқосу. Табиғат аясындағы кездесуге АҚШ-та жұмыс бабымен жүрген, білім алып жатқан, біржола қоныс аударған, көшсем бе деген қазақтар келді. Осы жақта тұрмыс құрған қыздар да қалыс қалмады. Мақсат біреу – барынша тығыз араласып, тіл мен ділді сақтау. Түп-тамырын ұмытпау. Бет қатталып жатқанда жақсы хабар естідік. АҚШ-та қазақ мектебі ашылыпты.

Қазақстанның Америка Құрама Штаттарындағы Төтенше және өкілетті елшісі Ержан Ашықбаев: «АҚШ-тағы «Американың этникалық топтары» деп аталатын Гарвард энциклопедиясындағы мәлімет бойынша 1960 жылдары АҚШ-та 20 шақты қазақ шаңырағы болған. Ал қазір шамамен 100 мыңға жуықтады. Қазақ диаспорасы көбірек шоғырланған жер Нью-Йорк. Cодан кейін Маями, Флориданың оңтүстік аймағы, Лос-Анжелес және Чикагода бар. АҚШ-дағы Қазақстанның Елшілігі оларға жан-жақты көмек көрсетуге әзір. Отандастар қорымен құрып жатқан біраз жоспарларымыз бар. АҚШ жалпы саны біздің пайымдауымыз бойынша 100 мыңға жуық қазақ азаматтары бар. Қазақтың Америкадағы ең үлкен шаңырағы біздің Елшілік деп білеміз. Әркімге біздің айтар сөзіміз, әр қазағым жалғызым деп қараймыз», – дейді.

Ермек Сахариев
17.11.2022

Ұқсас жаңалықтар

БАСПАСӨЗДІҢ БАС АУРУЫ
Дәулетбек Байтұрсынұлы, «Мөлдір бұлақ» журналының Бас редакторы - 18.11.2022 604

Топ жаңалықтар

1
Мемлекет басшысы Франция Президенті Эмманюэль Макронмен кездесті
Show more
bort_01 - 2022-12-01 108
2
Белгілі дінтанушы Оралда болды
Show more
Ләззат ҚАЖЫМОВА БҚО Орал қаласы - 2022-11-30 142
3
Жаңа Қазақстанды түлететін 5 ұсыныс
Show more
Болат Дүйсембі - 2022-11-28 242
4
Теннис: Әйелдер құрамасы үздік ондықта
Show more
Ермек Сахариев - 2022-11-28 244
5
Атыраудағы игі істер
Show more
- 2022-11-28 244