Қазақ халқының арқалы ақыны, «Әр қазақ менің – жалғызым» деп жырлаған жыр жампозы Сабыр Адай Халықаралық «Алаш» әдеби сыйлығының лауреаты атанды. «Назира» поэзиялық кітабы үшін. Ел мен жер тағдырына алаңдап, ұлттық болмыс пен ұлттық рухты үнемі жырына арқау еткен ақын қандай марапатқа да лайық.
Уақыт, заман алдындағы ақындық жауапкершілікті терең сезіну шын ақынды қайраткер тұлғаға айналдырады. Бірақ оған əуел бастан ақындық азаматтық болмыс іргетас болса ғана. Сабыр Адай – бұл үдеден шыққан сырбаз ақын. Халықпен бірге жасап келе жатқан қайсар ақын!
«Qazaqstan dauiri» газеті ұжымы ақынның қуанышына ортақ екенін білдіре отырып, ақынға шығармашылық табыс, зор денсаулық, отбасына амандық тілейді.
