Аралас жекпе-жек: Ринат қарсыласын ұтты

Алматыда өткен Octagon 35 және Brave CF 62 аралас жекпе-жек турнирінде қазақстандық Ринат Сағынтай спорттық мансабында бұған дейін жеңіліп көрмеген өзбекстандық Давлатбек Хожиевпен кездесті. Кездесу жартылай орта салмақта өтіп, үш раундқа есептелген болатын. Алайда екінші раундта Ринат қарсыласын техникалық нокаутпен жеңді. Осылайша, Ринат Сағынтай ММА-дағы оныншы жеңісіне қол жеткізсе, оның қарсыласы өзбекстандық Давлатбек Хожиев мансабында алғаш рет ұтылды.