Анамыздың киелі мекенге бұл бірінші рет сапарлатуы емес. Жыл сайын, біздің ғана өңірді емес барлық облыстарды аралап, елдің тыныс-тіршілігімен танысып, ақ батасын беруді үрдіске айналдырған Анамыздың бұл сапары қашанда құрметке лайық. Бұл жолы ЕлАнасын үлкен құрметпен, Атырау облысының әкімдігі зор ықыласпен күтіп алды. Сәуле Мешітбайқызы облыс әкімі Серік Жамбылұлымен кездесу барысында, «Qazaqstan dauiri» газетінің беделі мен оқылымы жайында сүбелі сөз қозғап, журналистер көтерген мәселелер ешқашан назардан тыс қалмайтынын атап өтті.
Сондай-ақ облыс әкімі аталмыш газеттің болашағына зор үмітпен қарайтынын және қашанда қолдау танытып, тұрақты байланыста болатынын білдірді. Кездесу барысында елдің бірқатар мәселелері айтылып, алдағы іске асырылатын жоспарлар кеңінен талқыланды.
Сөз тізгінін алған Сәуле Мешітбайқызы басылымның орны мен оның маңыздылығы туралы сүбелі әңгіме өрбітті.
Биылғы жылы еліміз қиын жағдайды бастан өткізді. Біздің халықтың емес, бүкіл әлем халқында үлкен індет орын алды. Бірлігі жарасқан қазақ халқы үшін бұл бір сынақ болды. Тектілік пен даналықты бірінші орынға қоятын біздер үшін, бар нәрсенің қадірін уақытында білуіміз қажет екенін ұқтырғандай болды. Сол пандемия кезінде біздің ұжымда елдің амандығын, тыныштығын тілеп, елімізді соңғы жаңалықтарымен халықты уақытылы хабардар етіп отырды. Осы тұста,ең бастысы, елдің амандығы мен тұтастығы баршаға маңызды болды. Қазір бәріне шүкір, еліміз қайтадан көркейіп, дамып, індеттің бетін қайтарды. Президентіміз Қасым-Жомарт Тоқаевтың стратегиясы аясында «Жаңа Қазақстанды» құрып, көптеген өзгерістерге жетіп жатырмыз. Оң өзгерістер орын алып жатқан қоғамда баспасөздің атқарар рөлі орасан зор. Бір сөзбен айтқанда Халық пен билік арасындағы алтын көпір іспетті. Бұл өте үлкен жауапкершілікті талап етеді. Осы жауапкершілікті абыроймен атқару – біздің міндетіміз, – деді.
Сүбелі сұхбат соңында Атырау облысының әкімі Серік Жамбылұлы ЕлАнасына зор ықыласын білдіріп, елдің болашағына қосып жатқан үлесі үшін алғысын білдірді. Киелі мекеннің тұрғындары атынан газет-журналды кеңінен таратып, тұрақты оқырман санын арттыруға да қолдау танытатынын білдірді.
ЕлАнасы Атырау облысының көркейіп дамуы, үлкен жобалардың іске асырылуы мен болашақ жастардың игі істерге атсалысуы аясында облыс әкіміне өзінің ақ батасын беріп, Аналық тілегін білдірді.
Сондай-ақ биыл «Qazaqstan dauiri» газетіне 30 жыл, балалар асыға күтетін «Мөлдір бұлақ» журналына 20 жыл толып отыр. Осы тұста, газет-журналдың барша ұжымына сәттілік және еңбектеріне толағай табыс тілейміз!
