Бүгін Жамбыл облысының бас имамы Бейбіт Мырзагелдиев ресми жұмыс сапарымен Сарысу ауданында болды.
Сапар барысында облыстың бас имамы аудан әкімі Сәкен Үмбетұлымен кездесіп, жергілікті имамдардың қызметі, діни ахуал және өзге де мәселелер бойынша пікір алмасты.
Жұма намазының алдында Жамбыл облысының бас имамы Бейбіт Мырзагелдиев орталық мешітте жамағатпен жүздесіп, бас мүфти Наурызбай қажы Тағанұлының бұйрығын оқып, жаңадан тағайындалған Сарысу ауданының бас имамы Каримбаев Айбек Амангелдіұлын таныстырды.
Ауданның бас имамының жаңа қызметіне сәттілік тіледі.
Содан соң облыстың бас имамы жамағаттың алдында Ислам діні, имандылық тақырыбында әңгіме қозғап, жамағатпен бірге жұма намазына қатысты.
