Ащыбұлақ ауылы Қапал көшесіне ауыз су жүйесі тартылуда.
"Тұрғындардың өтініштерін орындау мақсатында жүзеге асырылуда",- дейді ауыл әкімі Самат Селеубаев.
– Жалпы ауыл бойынша 49 азамат жер кезегіне тіркелген болатын. Аталған көшеге 2020 жылы электр бағаналары мен желілері, трансформатор және шағал төсем төселген. Ауыз су жүйесінің құрылысы аяқталған соң жер кезегіне сәйкес тұрғындар өзіндік қосалқы шаруашылығын жүргізу үшін жер телімімен қамтылады.
Бұл ауыл азаматтарының талап-тілегі еді. Бүгінде ұсыныс-пікірлер назарға алынып, 22 азаматқа дайын жер учаскесі кезектілік бойынша үлестірілетін болады, - деп түсіндірді мән-жайды Самат Апсадықұлы.
