«Балалар жылының» жеңімпаздары

«Балалар жылының»  жеңімпаздары

Батыс Қазақстан облысында «Балалар жылы» аясында ұйымдастырылған «BILIM HIGH» телевизиялық зияткерлік жобасы өз мәресіне жетіп, жеңімпаздардың есімдері белгілі болды.

Облыстық білім басқармасы мен жергілікті «AQJAYIQ» телеарнасы бірлесе қолға алған жобаның мақсаты – оқушылардың зияткерлік дамуына және тұлғалық қалыптасуына ықпал ету, коммуникативтік және зерттеу құзыреттілігін дамыту, оқуға деген ынтасын арттыру. Білім басқармасының баспасөз қызметінің мәліметінше, жобаға білім беру ұйымдарының 9-10 сынып оқушылары, яғни әрқайсысы 4 қатысушыдан құралған 16 команда тартылған. Телевизиялық жоба бойынша жалпы саны 15 бағдарлама түсіріліп, биылғы 1 маусым мен 1 қыркүйек аралығында аптасына бір рет көгілдір экраннан көрсетіліп келген. 

Жобаның финалдық ойыны 9 қыркүйек күні Оралдағы «Атамекен» өнер орталығында өткізіліп, оған Батыс Қазақстан облысының әкімі Ғали Есқалиев қатысты. Алдымен құттықтау сөз алған облыс басшысы мұндай жобалар балалардың жан-жақты қырларын жетілдіреріне сенім білдірді. 

– Мен бұл жобаны көре отырып, «Білім марафоны», «Эрудит», «Аламан» кезеңдерінде риторикалық-логикалық ойлау қабілеттерімен ерекшеленген балаларды байқадым. Сондай-ақ мені оқушылардың жалпы дүниежүзілік, ұлттық мәдени-тарихи деректер бойынша білімдерінің тереңдігі қуантты. Осындай жобалар оқушылар арасында білімге деген қызығушылықты арттырып, білім платформасындағы бәсекелестікті күшейтуге ықпалын тигізеді деп ойлаймын, – деген Ғали Нәжімеденұлы сайысқа қатысушылардың барлығы да жеңімпаз болуға лайықты екенін жеткізді. 

Бұдан әрі бағдарламалар барысында үздік ойын нәтижесін көрсеткен қос команда («West Trend»және «Білім-инновация лицейі») финалдық ойында бақтарын сынады. Ойыннан соң төрешілердің шешімі бойынша «West Trend» командасы жеңімпаз атанса, екінші және үшінші орындарды «Білім-инновация лицейі» мен Қаратөбе ауданының командалары өзара бөлісті.

 

 

Ләззат ҚАЖЫМОВА, Батыс Қазақстан облысы
16.09.2022

Ұқсас жаңалықтар

САРЫСУДА АСАРЛАТҚАН ҮЙ БЕРІЛДІ
Сарысу аудан әкімдігі баспасөз қызметі - 02.10.2022 18
Перзенттік парыз
Талас аудан әкімдігі - 02.10.2022 14
 ЖЕҢІМПАЗДАРДЫ ҚҰТТЫҚТАЙМЫЗ
Жамбыл ауданы - 02.10.2022 15
"Атырау - бақытты балалар мекені"
Атырау Қалалық Мәдениет Бөлімі - 02.10.2022 18
Өткеннің ертегісін емес, дәуірдің ертеңін ойлайық!
Дәулетбек БАЙТҰРСЫНҰЛЫ, ақын, ҚЖО-ның мүшесі. ҚР Ақпарат саласының үздігі, Түркі дүниесі ақындары жыр мүшәйраларының жеңімпазы - 30.09.2022 181
Үндемей қалуға ықтиярым жоқ
Тұрсынтай ҚАЛДАРБЕКОВ, зейнеткер, Жамбыл облысы Мойынқұм ауданы - 30.09.2022 154
Қазақстан Республикасының  Президенті Қасым-Жомарт Тоқаев мырзаға  Қазақ баспасөзі мерзімді басылымдары басшыларының Ашық хаты: «Қазақ баспасөзі:  бүгіні және ертеңі»
«Qazaqstan dauiri» мен «Мөлдір бұлақ журналының «Қазақ баспасөзі: Бүгін және ертең» атты конференциясы Алматы қаласы, 23 қыркүйек 2022 жыл - 30.09.2022 191
Саяси және гуманитарлық мәселе
Мұхтар Түменбаевтың ФБ парақшасынан - 29.09.2022 238
Шерхан МҰРТАЗА - 90
Мұртаза ЖАЛҒАСТЫҢ ФБ парақшасынан - 28.09.2022 285
ШЕР-АҒАҢНЫҢ ДАУСЫ...
Оралхан ДӘУІТТІҢ ФБ парақшасынан - 28.09.2022 268

Топ жаңалықтар

1
Ералы Тоғжанов Ақтөбе облысының ұстаздарын кәсіби мерекелерімен құттықтады
Show more
Ақтөбе облысының баспасөз қызметі - 2022-10-01 203
2
Қазақтың алтын баласы
Show more
Рауан МУТАИР - 2022-09-30 201
3
Астанада жел электр станциясы салынбақ
Show more
Нағашыбай ҚАБЫЛБЕК - 2022-09-30 209
4
Қазақстан Республикасының Президенті Қасым-Жомарт Тоқаев мырзаға Қазақ баспасөзі мерзімді басылымдары басшыларының Ашық хаты: «Қазақ баспасөзі: бүгіні және ертеңі»
Show more
«Qazaqstan dauiri» мен «Мөлдір бұлақ журналының «Қазақ баспасөзі: Бүгін және ертең» атты конференциясы Алматы қаласы, 23 қыркүйек 2022 жыл - 2022-09-30 191
5
Жерұйығын тапқан жұрт
Show more
Ермек Сахариев - 2022-09-30 206