Бас қаланың шеткі аудандары да көркейіп келеді

Бас қаланың шеткі аудандары да көркейіп келеді

Қазақтың мақтанышы – елордамыз күн санап дамып келе жатқандығы баршамызды қуантады. Еліміздің тәуелсіздігін нығайту жолында астананың көшірілуі тарихи шешім болғаны тарихтың алтын парағына жазылар елеулі оқиға екені жадымыздан өшпейтіні белгілі. Сол астанамыз қазіргі таңда кәдімгідей өсіп, көркі көзтартатын алып шаһарға айналды. Бұл ешқандай әсірелеу емес екенін бас қаланың әрбір тұрғыны, қалаға ат басын бұрған кез келген қонақтардың берген бағасы дер едік.

Бас қаланың жалпы даму бағыты мен салынып жатқан жаңа аудандардың негізінен тың жерлерге, бұрынғы саяжайлардың орындарына түсіп жатқаны жас қаланың жылдам өсуіне қолайлы жағдай тудырғаны белгілі. Ал бұрынғы Ақмола кезіндегі кейбір көшелер бүгінде қала маңындағы шеткі аудандарға айналды. Дегенмен қала әкімшілігі бұл аудандардағы тұрғындардың талап-тілектерін, қажеттіліктерін естен шығарған емес. 

Жақында Нұр-Сұлтан қаласының әкімі Алтай Көлгінов Байқоңыр ауданына қарасты Кирпичный тұрғын алқабының тұрғындарымен кездесіп, халықтың көкейінде жүрген бірқатар мәселелер жөнінде пікірлесіп қайтты. 

«Қаламыздың әрбір төртінші тұрғыны елорданың шет жақтарында тұрады. Абаттандырылған аудандар мен елдімекендер арасындағы теңсіздікті жою үшін жүйелі жұмыс жүріп жатыр. Түйткілді мәселелердің бірі – инженерлік желілер. Қаланың елдімекендерінде 50 км инженерлік желі салынды, оның ішінде 11 км – кәріз, 20,7 км – сумен жабдықтау желісі, ал 3 км-ден астамы – нөсер жауын ағатын кәріз. Биыл тағы 10 шақырым инженерлік желінің құрылысын аяқтаймыз», – деді Алтай Сейдірұлы. 

«Кирпичныйдағы мектеп құрылысы туралы айтылып келген еді. Нақтырақ айтқанда, №12 мектеп бойынша проблема қозғаған болатын. Бұл мектеп осыдан 60 жыл бұрын салынған, қазір апатты жағдайда, ал ішіндегі құрылымдары жарамсыз күйде тұр. Оның ғимаратын бұздық, қазір орнына жаңа, жайлы мектеп салу жұмысы басталды. Оны 2023 жылы аяқтауды жоспарлап отырмыз.

Сол сияқты жеке инвестор есебінен балабақшаның құрылысы жүріп жатыр. Бұдан бөлек, Чехоев көшесіндегі (Байқоңыр ауданы, Кирпичный елдімекені) апатты үйлердің тұрғындарымен кездестім. Ондағы үйлердің бір бөлігін (барақтар) 2024 жылға арналған бұзу тізіміне енгіземіз. Бейнебақылау камераларын орнату, жол мәселесі, аула клубтары, абаттандыру секілді түрлі проблемалар қозғалды. Бұл мәселелерді шешу жұмысы қолға алынды», – деді қала басшысы.

«Елдімекендер жеке сектор болғандықтан, 680 км газ тарату желісі салынды. Алматы және Сарыарқа аудандары газбен қамтамасыз етілген. Ал Байқоңыр және Есіл аудандарында жеткізуші газ құбырын (2023 жылы кварталішілік желілер) салу жұмысы жүріп жатыр.

Соңғы жылдары елдімекендердің өзінде 250 көше салынды және жөнделді. Биыл тағы 70 көшені асфальттаймыз, оның негізгі бөлігі аяқталды. Сол сияқты 300-ден астам аула мен қоғамдық кеңістік (саябақтар, гүлзарлар, желекжолдар) абаттандырылды, дене шынықтыру-сауықтыру кешендері, бірқатар оқу орны салынды.

Мемлекет басшысы қаланың шет аумақтарын дамытуға ерекше көңіл бөледі. Біздің мақсатымыз – елдімекендерге қажетті инфрақұрылым жүргізіп, тұрғын үйлер, әлеуметтік нысандар, демалыс орындарын және т.б. салу», – деді Алтай Көлгінов.

Бас қаланы дамыту мәселесі мемлекет басшысының назарынан тыс қалған емес. Биыл маусым айында қала әкімін қабылдаған кезде де елорданың инфрақұрылымын дамытып, абаттандыру жұмыстарын жалғастыруды, қала тұрғындарының түйткілді мәселелерін шешуді тапсырғаны есімізде.

Бас қалаға газ жеткізілгелі бері қыстыгүні ыс басып тұратын шеткі аудандардың ауасы айтарлықтай жақсарды. Бұл жұмыс жалғасын табатын болады. Дегенмен әлі де қыруар жұмыс күтіп тұрғаны жасырын емес. Көшелерді біртіндеп асфальттау, шағын саябақтар мен тұрғындарға жайлы демалыс және денешынықтыру орындарын салу жұмыстары жалғаса бермек.

 

Ерқазы СЕЙТҚАЛИ
16.09.2022

Ұқсас жаңалықтар

САРЫСУДА АСАРЛАТҚАН ҮЙ БЕРІЛДІ
Сарысу аудан әкімдігі баспасөз қызметі - 02.10.2022 19
Перзенттік парыз
Талас аудан әкімдігі - 02.10.2022 15
 ЖЕҢІМПАЗДАРДЫ ҚҰТТЫҚТАЙМЫЗ
Жамбыл ауданы - 02.10.2022 16
"Атырау - бақытты балалар мекені"
Атырау Қалалық Мәдениет Бөлімі - 02.10.2022 19
Үндемей қалуға ықтиярым жоқ
Тұрсынтай ҚАЛДАРБЕКОВ, зейнеткер, Жамбыл облысы Мойынқұм ауданы - 30.09.2022 157
Қазақстан Республикасының  Президенті Қасым-Жомарт Тоқаев мырзаға  Қазақ баспасөзі мерзімді басылымдары басшыларының Ашық хаты: «Қазақ баспасөзі:  бүгіні және ертеңі»
«Qazaqstan dauiri» мен «Мөлдір бұлақ журналының «Қазақ баспасөзі: Бүгін және ертең» атты конференциясы Алматы қаласы, 23 қыркүйек 2022 жыл - 30.09.2022 193
Өткеннің ертегісін емес, дәуірдің ертеңін ойлайық!
Дәулетбек БАЙТҰРСЫНҰЛЫ, ақын, ҚЖО-ның мүшесі. ҚР Ақпарат саласының үздігі, Түркі дүниесі ақындары жыр мүшәйраларының жеңімпазы - 30.09.2022 183
Саяси және гуманитарлық мәселе
Мұхтар Түменбаевтың ФБ парақшасынан - 29.09.2022 241
Шерхан МҰРТАЗА - 90
Мұртаза ЖАЛҒАСТЫҢ ФБ парақшасынан - 28.09.2022 289
ШЕР-АҒАҢНЫҢ ДАУСЫ...
Оралхан ДӘУІТТІҢ ФБ парақшасынан - 28.09.2022 271

Топ жаңалықтар

1
Ералы Тоғжанов Ақтөбе облысының ұстаздарын кәсіби мерекелерімен құттықтады
Show more
Ақтөбе облысының баспасөз қызметі - 2022-10-01 206
2
Өз-өзіңді жаттай сыйла, жат жанынан түңілсін! немесе қазақ даласына ағылған «қара шекпендердің» жаңа толқыны
Show more
Сәуле МЕШІТБАЙҚЫЗЫ, ҚР Еңбек сіңірген қайраткері - 2022-09-30 193
3
Қазақтың алтын баласы
Show more
Рауан МУТАИР - 2022-09-30 204
4
Астанада жел электр станциясы салынбақ
Show more
Нағашыбай ҚАБЫЛБЕК - 2022-09-30 211
5
Қазақстан Республикасының Президенті Қасым-Жомарт Тоқаев мырзаға Қазақ баспасөзі мерзімді басылымдары басшыларының Ашық хаты: «Қазақ баспасөзі: бүгіні және ертеңі»
Show more
«Qazaqstan dauiri» мен «Мөлдір бұлақ журналының «Қазақ баспасөзі: Бүгін және ертең» атты конференциясы Алматы қаласы, 23 қыркүйек 2022 жыл - 2022-09-30 193